"بالالاردىڭ جان-جاقتى دامۋىنا ەرەكشە كوڭىل بولۋدەمىز. باستى مىندەت — وسكەلەڭ ۇرپاقتى سپورتپەن, شىعارماشىلىقپەن جاپپاي قامتۋ, ءوزىن-ءوزى تاربيەلەۋ جانە ءوزىن-ءوزى دامىتۋ داعدىلارىن قالىپتاستىرۋ. وسى جۇمىستىڭ جەتىسۋ اۋدانىندا قالاي جۇزەگە اسىرىلىپ جاتقانىن كورىپ قايتتىم. مۇندا مەتسەناتتاردىڭ كومەگىمەن 500 كەلۋشىگە ارنالعان "اينابۇلاق جەكپە-جەك ورتالىعى" قۇرىلدى. قىركۇيەك ايىندا ءدال وسىنداي ءۇش ورتالىق قۇلاگەر, كوكمايسا جانە كوكجيەك ىقشاماۋداندارىندا اشىلادى.
⠀
سونىمەن قاتار اۋداننىڭ بەس شاعىن ۋچاسكەسىندە بالالارعا ارنالعان JetisyFootball تەگىن وقىتۋ باعدارلاماسى جۇمىسىن باستايدى. ول قيىن جاعدايدا قالعان وتباسىلاردان شىققان 300 بالانى قامتىماق. ال جاتتىقتىرۋشىلار قالالىق جۇمىسپەن قامتۋ ورتالىعى ارقىلى تارتىلدى.
⠀
سونداي-اق اينابۇلاق-2, قۇلاگەر جانە كەمەل ىقشاماۋداندارىندا دەنە شىنىقتىرۋ-ساۋىقتىرۋ كەشەندەرىنىڭ قۇرىلىسىنا قۇجاتتاما دايىندالۋدا. جالپى سىيىمدىلىعى ءبىر اۋىسىمدا 450 ادام. نىسانداردى بوس جەرلەرگە سالۋ جوسپارلانۋدا", - دەپ جازدى باقىتجان ساعىنتاەۆ Instagram پاراقشاسىندا.
