كونفەرەنتسيانى زاڭناما جانە قۇقىقتىق اقپارات ينستيتۋتىنىڭ ديرەكتورى ر.سارپەكوۆ سالتاناتتى تۇردە اشتى. ءوزىنىڭ كىرىسپە سوزىندە ول قاتىسۋشىلاردى كونستيتۋتسيانىڭ 25 جىلدىق مەرەيتويىمەن قۇتتىقتاپ, ەلىمىزدىڭ نەگىزگى زاڭى مەملەكەتتىڭ, قوعامنىڭ, ادامنىڭ جانە ازاماتتىڭ تىرشىلىك ارەكەتى مەن ءوزارا ءىس-قيمىلى ءۇشىن نەگىز بولاتىن, ۇستەمدىك پەن نەگىز قالاۋشى رولگە يە امبەباپ قۇقىقتىق اكت ەكەنىن اتاپ ءوتتى.
كونستيتۋتسيالىق كەڭەستىڭ توراعاسى ق.ءماميدىڭ قۇتتىقتاۋ ءسوزىن كونستيتۋتسيالىق كەڭەستىڭ مۇشەسى ءا.تەمىربەكوۆ وقىدى. ول كونستيتۋتسيانىڭ قازىرگى قوعام مەن مەملەكەتتىڭ تىنىس-تىرشىلىگىندە ەرەكشە ورىن الاتىنىن اتاپ ءوتتى.
كونستيتۋتسيالىق زاڭنامانى ودان ءارى جەتىلدىرۋ ماقساتىندا جاڭا يدەيالار مەن تاسىلدەردى, جۇرگىزىلگەن كونستيتۋتسيالىق رەفورمالاردى جان-جاقتى تالقىلاۋدى ماقسات ەتكەن كونفەرەنتسياعا پارلامەنت دەپۋتاتتارى, كونستيتۋتسيالىق كەڭەس مۇشەلەرى, مەملەكەتتىك ورگانداردىڭ, قازاقستاننىڭ عىلىمي قوعامداستىعىنىڭ باسشىلارى مەن وكىلدەرى جانە گەرمانيا, رەسەي, بەلارۋس جانە قىرعىزستاننىڭ حالىقارالىق ساراپشىلارى قاتىسىپ, بايانداما جاسادى.
كونفەرەنتسيا شەڭبەرىندە كونستيتۋتسيالىق كەڭەستىڭ مۇشەسى ءا.تەمىربەكوۆ «قازاقستان رەسپۋبليكاسى كونستيتۋتسيالىق كەڭەسىنىڭ جولداۋىنداعى قوعام مەن مەملەكەتتى الەۋمەتتىك جاڭعىرتۋدىڭ كەيبىر اسپەكتىلەرى» تاقىرىبىندا بايانداما جاسادى.
ادىلەت ءمينيسترى م.بەكەتاەۆ ەلىمىزدە جۇرگىزىلگەن كونستيتۋتسيالىق رەفورمالاردا قوعامىمىزدى دەموكراتيالاندىرۋ, حالىق بيلىگىنىڭ نەگىزدەرىن ودان ءارى نىعايتۋ, پارلامەنتتىڭ ءرولىن كۇشەيتۋ, ۇكىمەتتىڭ دەربەستىگىن ارتتىرۋ بويىنشا نەگىزگى قوعامدىق سۇرانىستار ەسكەرىلگەنىن اتاپ ءوتتى.
سونىمەن قاتار نۇرسۇلتان نازارباەۆ قورى اتقارۋشى ديرەكتورىنىڭ ورىنباسارى, پروفەسسور ي.روگوۆ, سەناتتىڭ كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ حاتشىسى ق.سافينوۆ, ءماجىلىستىڭ زاڭناما جانە سوت-قۇقىقتىق رەفورما كوميتەتىنىڭ حاتشىسى س.بىچكوۆا قۇتتىقتاۋ ءسوز سويلەدى.
كونفەرەنتسيادا قازاقستانداعى حالىقارالىق ىنتىماقتاستىق جونىندەگى گەرمانيا قوعامى وكىلدىگىنىڭ باسشىسى (GIZ), بەرلين قالاسىنىڭ سۋدياسى ي.پۋدەلكا مەملەكەتتىك قۇرىلىمنىڭ كونستيتۋتسيالىق پرينتسيپتەرىن بەكىتۋدىڭ مازمۇنى مەن ءتارتىبى, ولاردىڭ اراسىندا گەرمانيا مەن قازاقستان زاڭناماسى مىسالىندا قۇقىقتىق مەملەكەت ءپرينتسيپى ەرەكشە ماڭىزدى ورىن الاتىنى جونىندە بايانداما جاسادى.
كونفەرەنتسيا جۇمىسىنىڭ قورىتىندىسى بويىنشا ءتيىستى مەملەكەتتىك ورگاندارعا, قوعامدىق, عىلىمي ۇيىمدار مەن جوعارى وقۋ ورىندارىنا جىبەرىلەتىن ۇسىنىستار ازىرلەندى.
