اۆتوكولىكتەردى تەكسەرۋ بارىسىندا جۇك سالعىشتىڭ ىشىندە 1 جابايى شوشقا ۇشاسى, 16 كاليبرلى قۇجاتسىز 4 اڭشى مىلتىعى تابىلدى. وقيعا ورنىنا قارماقشى اۋداندىق ىشكى ىستەر بولىمىنەن جەدەل توپ شاقىرتىلىپ تەرگەۋ ارەكەتتەرى جاسالدى. بۇل ايعاق بويىنشا قىلمىستىق كودەكستىڭ 337 بابىمەن قىلمىستىق ءىس قوزعالدى.
سونداي-اق جامبىل وبلىسى, بايزاق اۋدانىنىڭ اۋماعىندا «وحوتزووپروم» ءوب بىرلەسكەن ءىس-شاراسى بارىسىندا 26 تامىزدا تۇنگى ساعات 00:30 شاماسىندا بايزاق اۋدانىنا قاراستى «ەسقارا» قۇم وڭىرىنەن جەر تاڭدامايتىن «تويوتا» اۆتوكولىگىنىڭ ىزىنە تۇسەدى. تاڭعى ساعات 05:00 شاماسىندا كولىكتى توقتاتىپ تەكسەرۋ بارىسىندا قازاقستاننىڭ قىزىل كىتابىنا ەنگىزىلگەن 2 قاراقۇيرىق اڭىن زاڭسىز اتقان بايزاق اۋدانىنىڭ ەكى ازاماتى ۇستالدى. قازىرگى تاڭدا ۇستالعان ازاماتتارعا پوليتسيا قىزمەتكەرلەرى تەرگەۋ امالدارىن جۇرگىزۋدە.
وزەن مەن جايىلىمدى لاستايدى
ەكولوگيالىق رەتتەۋ جانە باقىلاۋ كوميتەتىنىڭ حابارلاۋىنشا, قاراعاندى وبلىسى بويىنشا ەكولوگيا دەپارتامەنتىنىڭ اتىنا كۋريانوۆسكي كەنتىنىڭ تۇرعىندارىنان «KAZ فەرريت» جشس-ءنىڭ جەردىڭ رەلەفىنە لاستانعان قارا سۋدى ۇنەمى توگۋى تۋرالى ۇجىمدىق شاعىم كەلىپ ءتۇستى. جاۋاپسىز ارەكەتتىڭ سالدارىنان بۇل سۋ ۆەسنيانكا وزەنىنە جانە توپىراققا ءوتىپ, وزەن اعىسىنان تومەن جايىلىمدارداعى شوپتەردى لاستايدى.
وسى فاكت بويىنشا قاراعاندى وبلىسى بويىنشا ەكولوگيا دەپارتامەنتىنىڭ قىزمەتكەرلەرى جەرگىلىكتى جەرگە شىعىپ, سۋدا لاستاۋشى زاتتاردىڭ بار-جوعىن انىقتاۋ ءۇشىن سۋ سىنامالارىن ىرىكتەپ الدى, سونداي-اق توپىراق سىنامالارىن الدى. قازىرگى ۋاقىتتا تالداۋلارمەن جۇمىس جۇرگىزىلىپ جاتىر. ناتيجەلەرى قوسىمشا حابارلانادى. سونىمەن قاتار قازىرگى ۋاقىتتا «KAZ فەرريت» جشس-نە قاتىستى جوسپاردان تىس تەكسەرىستى ۇيىمداستىرۋ ماسەلەسى قاراستىرىلۋدا.
«شارىن» ۇلتتىق پاركىندە قوعامدىق كەڭەس قۇرىلادى
ەكولوگيا, گەولوگيا جانە تابيعي رەسۋرستار مينيسترلىگى «شارىن» مەملەكەتتىك ۇلتتىق پاركى جانىندا ەكوتۋريزمدى دامىتۋ جونىندە قوعامدىق كەڭەس قۇرماق. وسىعان وراي بارلىق نيەت بىلدىرۋشىلەر, ونىڭ ىشىندە عالىمدار, سالا ساراپشىلارى, تۋريستىك قوعامداستىق وكىلدەرى, قوعام قايراتكەرلەرى مەن ەكو-بەلسەندىلەر قوعامدىق كەڭەستىڭ قۇرامىنا ەنە الاتىنىن حابارلادى.
جاڭادان قۇرىلاتىن كەڭەس اتالعان جوبانى قوعامدىق مونيتورينگىلەۋگە قاتىساتىن بولادى. بارلىق مۇددەلى تۇعالار بەلگىلەنگەن فورماعا سايكەس, 2020 جىلدىڭ 3 قىركۇيەگىنە دەيىن ەلەكتروندى پوشتاعا جەكە باسى تۋرالى مالىمەتتەردى جولداۋى ءتيىس. ايتا كەتەيىك, جۋىردا «شارىن» ۇلتتىق پاركى قاراماعىندا ەكوتۋريزمدى دامىتۋ تۇجىرىمداماسى تانىستىرىلدى. نيەت ءبىلدىرۋشى ازاماتتار تۇجىرىمدامانىڭ تولىق نۇسقاسىمەن ەكولوگيا, گەولوگيا جانە تابيعي رەسۋرستار مينيسترلىگىنىڭ, ورمان شارۋاشىلىعى جانە جانۋارلار دۇنيەسى كوميتەتىنىڭ جانە «شارىن» مەملەكەتتىك ۇلتتىق پاركىنىڭ سايتتارىندا تانىسا الادى.
