قۇرمەتتى دوستار!
سىزدەردى قازاقستان رەسپۋبليكاسىنىڭ كونستيتۋتسياسى كۇنىمەن قۇتتىقتايمىن! بۇگىن ءبىز جاسامپازدىق پەن پروگرەستىڭ بەرىك كەپىلى بولىپ تابىلاتىن اتا زاڭىمىزدىڭ 25 جىلدىعىن اتاپ وتۋدەمىز.
25 جىل ىشىندە قازاقستان كونستيتۋتسياسى ءوزىنىڭ جوعارى تيىمدىلىگىن كورسەتتى, بەيبىتشىلىكتى, كەلىسىم مەن گۇلدەنۋدى, ەلدىڭ ۇدەمەلى دامۋىن, قازاقستاندىقتاردىڭ ءال-اۋقاتىنىڭ ارتۋىن, جاس جانە بولاشاققا ۇمتىلعان مەملەكەتكە دەگەن سەنىم مەن سىيلاستىقتىڭ ءوسۋىن قامتاماسىز ەتتى.
اتا زاڭىمىزدا ازاماتتاردىڭ قۇقىقتارى مەن بوستاندىقتارىن قورعاۋدى قالىپتاستىرۋدىڭ نەگىزگى اسپەكتىلەرىن قامتىدى جانە كونستيتۋتسيامىز قازاقستاندىق مەملەكەتتىلىكتىڭ بەرىك ىرگەتاسىنا اينالدى.
ەلىمىزدىڭ قولدانىستاعى كونستيتۋتسياسى كوپ جىلعى ۇجىمدىق ەڭبەكتىڭ ناتيجەسى بولىپ تابىلادى, ونىڭ باستاۋىندا قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان ءابىش ۇلى نازارباەۆتىڭ ەڭبەگى زور. ەلباسى سول قيىن كەزەڭدە اينالاسىنداعى ميلليونداعان قازاقستاندىقتى بىرىكتىرىپ, اتا زاڭنىڭ جوباسىن ازىرلەۋ كەزىندە يدەيالاردىڭ گەنەراتورى بولا ءبىلدى.
ەلباسىنىڭ ستراتەگيالىق باعىتىن جالعاستىرا وتىرىپ, مەملەكەت باسشىسى قاسىم-جومارت توقاەۆ ورتاق دەموكراتيالىق قاعيداتتاردى ودان ءارى نىعايتۋدى, ەل ازاماتتارىنىڭ قۇقىقتارى مەن بوستاندىقتارىنىڭ كەپىلدىكتەرىن كۇشەيتۋدى قامتاماسىز ەتۋدە.
بۇگىن ءبىز ەلىمىزدىڭ اتا زاڭىنىڭ ەرەجەلەرىن ساقتاي وتىرىپ, ەركىن ەڭبەك ەتۋگە, بەيبىتشىلىك پەن كەلىسىمدە ءومىر سۇرۋگە مۇمكىندىگىمىز بار. ءبىز ۇلتارالىق جانە كونفەسسياارالىق كەلىسىم مەن بىرلىككە نەگىزدەلگەن تاۋەلسىزدىك جىلدارىندا قول جەتكىزىلگەن جەتىستىكتەردى ماقتان تۇتامىز.
بارشا قازاقستاندىقتاردىڭ وتباسىنا دەنساۋلىق, بەرەكە-بىرلىك تىلەيمىن! ەلىمىز وركەندەي بەرسىن!
انار جايلعانوۆا,
قر مەملەكەتتىك قىزمەت ىستەرى اگەنتتىگىنىڭ توراعاسى
