الەم • 30 تامىز، 2020

COVID-19:اۋىزدىقتاۋ شارالارى

30 رەت كورسەتىلدى

Worldometer حالىقارالىق ەرىكتىلەر توبىنىڭ دەرەكتەرى بويىنشا ۆيرۋس پلانەتاداعى 25،16 ملن ادامعا جۇعىپ، 846 772 ادام كوز جۇمىپ، 17،5 ملن جان ساۋىعىپ شىققان، دەپ حابارلايدى Egemen.kz

COVID-19 جەر بەتىنەن كەتكىسى كەلمەيتىندەي. لاتىن امەريكاسىنداعى مەملەكەتتەرگە، اقش پەن ينديا سىندى تىرناعىن قاتتى باتىرعان ۆيرۋس كارى قۇرلىق ەۋروپانى دا كەزىپ جۇرگەنىنە ءبىراز ۋاقىت بولدى. العاشقى بولىپ SARS-CoV-2-دەن  اۋىر سوققى العان يتاليا جۇرتشىلىعى قاي جاعىنان دا ەسەڭگىرەدى. وزدىگىنەن COVID-19-دىڭ زاردابىن جەڭە المايتىن بولعاندىقتان ەۋروپالىق وداق كومەك بەرەتىن باستى بەنەفيتسيارعا اينالدى. يسپانيا دا جاعداي ءماز بولماي، سىرتقى تۋريزمنەن قوماقتى قاراجات جياتىن ەلگە بارىس-كەلىستىڭ توقتاۋى قازىناداعى قاراجاتتى كەمىتىپ، تۇبەك جۇرتىن ابدىراتىپ تاستادى. اشەيىندە تۋريستەردەن ارىلمايتىن كاتالونيا مەن اراگون كاسىپكەرلەرىنىڭ بيزنەسى توقىرادى. بارلار مەن مەيرامحانا، وتەلدەر، جاعاجايلار مەن مۋزەيلەر، كورسەڭ كوز سۋاراتىن سۇلۋ تابيعات ادام تابانىنىڭ ءىزىن اڭساپ قالدى. دەگەنمەن، ەۋروپا جۇرتشىلىعى جاز شىقسا ساياحاتتاماي وتىرمايدى.

ەۋروپالىقتاردىڭ پاندەميا شارپۋى ازداۋ-اۋ دەگەن ەلدەرگە بارىپ، دەمالىپ قايتۋى، ءجۇرىس-تۇرىستىڭ ءوسۋى سوڭعى ۋاقىتتا SARS-CoV-2-ءنىڭ قايتا جاندانۋىنا جول اشقانداي. سول سەبەپتى كەيبىر ەلدەر اۋرۋدى اۋىزدىقتايتىن شارالاردى كۇشەيتۋگە ءماجبۇر بولدى. ماسەلەن، گەرمانيا ۇكىمەتى حالىق كوپ جينالاتىن شارالاردىڭ بارلىعىن جىلدىڭ اياعىنا دەيىن توقتاتۋدى قاجەت دەپ سانايدى. ۆەنگريا بيلىگى دە 1 قىركۇيەكتەن باستاپ شەتەل ازاماتتارى ءۇشىن شەكاراسىن بەكىتۋگە شەشىم قابىلدادى. ەندى 1-نەن باستاپ شەتەلدىكتەر ۆەنگرياعا اسا ەلەۋلى سەبەپ بارلىعىن دالەلدەمەسە كىرە المايدى. بۇعان قوسا سىرتتان كەلگەن ءوز ازاماتتارى دا ەكى اپتا بويىنا وقشاۋلانۋى ءتيىس. نەمەسە ۆيرۋسقا قارسى ەكى تالداماسىنىڭ قورتىندىسىندا ۆيرۋس جوقتىعى تۋرالى انىقتاما تاپسىرۋى ءتيىس.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ۇقساس جاڭالىقتار