نۇرلان نىعماتۋلين ءوزىنىڭ Twitter-دەگى جەكە پاراقشاسىندا جاريالاعان قۇتتىقتاۋىندا: "سىزدەردى ەلىمىزدىڭ مارتەبەلى مەرەكەسى – كونستيتۋتسيا كۇنىمەن قۇتتىقتايمىن! وسىدان 25 جىل بۇرىن ەلباسىمىز ن.ءا. نازارباەۆ ىرگەسىن قالاعان اتا زاڭىمىز تاۋەلسىزدىگىمىزدى نىعايتىپ, حالىقتىڭ بىرلىگى مەن ىنتىماعىن ارتتىردى!", دەدى ءماجىلىس توراعاسى.
سونىمەن قاتار, ءماجىلىس توراعاسى ءوز قۇتتىقتاۋىندا ەلباسى ن.ءا.نازارباەۆتىڭ كونستيتۋتسيادا بەلگىلەنگەن قاعيداتتارىنىڭ ارقاسىندا قازاقستان بۇگىندە زاماننىڭ سىن-قاتەرلەرىنە جاۋاپ بەرىپ, مەملەكەت باسشىسى ق.ك.توقاەۆ ۇسىنعان "حالىق ۇنىنە قۇلاق اساتىن مەملەكەت" تۇجىرىمداماسىنا سايكەس دامىپ كەلە جاتقانىنا توقتالدى.
بۇدان بولەك, نۇرلان نىعماتۋلين 1995 جىلى قابىلدانعان كونستيتۋتسيانىڭ ارقاسىندا كاسىبي پارلامەنت قۇرىلعانىن ايتىپ, كونستيتۋتسيادا بەكىتىلگەن قوعامدىق كەلىسىم, ساياسي تۇراقتىلىق جانە پاتريوتيزم – ۇلتتىق قاۋىپسىزدىكتى قامتاماسىز ەتۋ مەن قازاقستاندىقتاردىڭ ءال-اۋقاتىن ارتتىرۋدىڭ كەپىلىنە اينالعانىنا نازار اۋداردى. ءماجىلىس توراعاسى تاۋەلسىزدىكتىڭ تۇعىرىنا اينالعان اتا زاڭ ءاربىر قازاقستاندىق ءۇشىن قىمبات ەكەنىن العا تارتا كەلىپ, بارشا حالقىمىزعا اماندىق, ەلىمىزگە قۇت-بەرەكە تىلەدى.
