ايماقتار • 29 تامىز، 2020

پوليگون زاردابىن شەككەندەر رۋحىنا تاعزىم ەتتى

39 رەت كورسەتىلدى

بۇگىن ايماق باسشىسى گۇلشارا ابدىقالىقوۆا 29 تامىز – سەمەي يادرولىق پوليگونىنىڭ جابىلۋ كۇنىنە وراي زارداپ شەككەن ازاماتتاردى ەسكە الۋ شاراسىنا قاتىسىپ، اتوم زاردابىن شەككەندەرگە قويىلعان مەموريالعا تاعزىم گ ۇلىن قويدى، دەپ حابارلايدى Egemen.kz

"قىرىق جىلدان استام ۋاقىت جاسالعان يادرولىق سىناقتاردى توقتاتۋدى  1989 جىلى حالقىمىزدىڭ ءبىرتۋار ۇلدارىنىڭ ءبىرى ولجاس سۇلەيمەنوۆتىڭ باستاماسىمەن قۇرىلعان "نەۆادا-سەمەي" قوزعالىسى كوتەردى. ال 1991 جىلى 28 تامىزدا ەلباسى نۇرسۇلتان نازارباەۆتىڭ جارلىعىمەن پوليگون جابىلدى. بۇل شەشىم ادامزات تاريحىنداعى بۇرىن-سوڭدى بولماعان يادرولىق سىناقتارعا العاشقى زاڭدى تىيىم رەتىندە عانا ەمەس، سونىمەن بىرگە حالىقارالىق كۇندى بەلگىلەۋ ءۇشىن ماڭىزدى نەگىز بولدى.  قازا بولعان باۋىرلارىمىزدى ءاردايىم ۇمىتپايمىز، ەسكە الىپ، تاعزىم ەتەمىز"، دەدى وبلىس اكىمى گۇلشارا ابدىقالىقوۆا.

جۋىردا وتكەن بىرىككەن ۇلتتار ۇيىمى باس اسسامبلەياسىنىڭ 29 تامىز – حالىقارالىق يادرولىق سىناقتارعا قارسى ءىس-قيمىل كۇنىنە ارنالعان ارنايى سەسسياسىندا قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ "يادرولىق سىناقتاردان ازات الەم ءۇشىن چەمپيون" مارتەبەسىنە يە بولعاندىعى بەلگىلى بولدى. 

"تاعزىم" الاڭىندا وتكەن شاراعا مەملەكەتتىڭ مەكەمەلەردىڭ وكىلدەرىمەن قاتار وبلىستىق ارداگەرلەر كەڭەسىنىڭ توراعاسى سەرىك دۇيسەنباەۆ، وبلىستىق نەۆادا-سەمەي قوعامدىق بىرلەستىگىنىڭ توراعاسى ءسابيت ءابىش، قالالىق نەۆادا-سەمەي قوعامدىق بىرلەستىگىنىڭ توراعاسى نۇرلان مادەليەۆ پەن "اقمەشىت-سىرداريا" مەشىتىنىڭ باس يمامى بولاتبەك ءابۋوۆ قاتىستى.

سوڭعى جاڭالىقتار

يتاليادا توعىز جۇلدە الدىق

سپورت • بۇگىن، 10:10

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار