ۋچاسكەلىك ينسپەكتور دۇكەننىڭ الكوگول ءونىمىن ساتۋعا ليتسەنزياسى جوق ەكەنىن بىلگەن, ال سورەدە الكوگول ءونىمى دە جوق. الايدا ول جاسىرىن ساتىلىپ كەلگەن. سورەنىڭ استىن تىنتكەندە ءتارتىپ ساقشىلارى 7,5 ليتر اراق, 6,75 ليتر شاراپ جانە 18 ليتر سىرا تاركىلەگەن. دۇكەن يەسىنە قاتىستى اكىمشىلىك قۇقىق بۇزۋشىلىق تۋرالى كودەكسىنىڭ ء"تيىستى تىركەۋسىز, رۇقساتسىز نەمەسە حابارلاما جىبەرمەي كاسىپكەرلىك نەمەسە وزگە دە قىزمەتپەن اينالىسۋ, سونداي-اق ارەكەتتەردى (وپەراتسيالاردى) جۇزەگە اسىرۋ" اتتى 463-بابى بويىنشا حاتتاما تولتىرىلدى.
"ۋچاسكەلىك پوليتسيا ينسپەكتورلارىنىڭ قىزمەت كورسەتىلەتىن ايماقتاعى جاعدايدى جاقسى ءبىلۋى زاڭدىلىق پەن ءتارتىپتى قامتاماسىز ەتۋدىڭ نەگىزدەرىنىڭ ءبىرى بولىپ تابىلادى. جالپى, ءبىز الكوگول ءونىمىن زاڭسىز ساتۋمەن كۇرەسكە كوپ كوڭىل بولەمىز. ايتا كەتسەك, ءدال وسى كۇندەردىڭ بىرىندە اۋدانداعى اۋىلداردىڭ بىرىندە جەكە ۇيدە اراق ساتۋ فاكتىسى دە انىقتالدى. الكوگول ليتسەنزيالانباعان, سوندىقتان ونى پايدالانۋ قاۋىپسىزدىگىنە ەشكىم كەپىلدىك بەرمەيدى. ليتسەنزيالانباعان الكوگولدى زاڭسىز ساتۋمەن اينالىسقان جەرگىلىكتى تۇرعىن الكوگولدى زاڭسىز ساتقانى ءۇشىن جاۋاپقا تارتىلىپ, ونىڭ ۇيىنەن 10 ليتر ەتيل ءسپيرتى تاركىلەندى", دەيدى مامليۋت اۋدانى پوليتسيا ءبولىمىنىڭ باستىعى پوليتسيا پودپولكوۆنيگى سەرىك ءالجانوۆ.
الكوگولدىك ىشىمدىكتەردىڭ زاڭسىز ساتىلۋىنا قارسى ءىس-قيمىل جونىندەگى جۇمىس وبلىس پوليتسەيلەرىمەن تۇراقتى تۇردە جۇرگىزەدى. جىل باسىنان بەرى بارلىعى 128 حاتتاما تولتىرىلدى.
