شقو پوليتسيا دەپارتامەنتى ءباسپاسوز قىزمەتىنىڭ مالىمەتىنشە, "قۇقىقتىق ءتارتىپ" جەدەل الدىن الۋ شاراسى بارىسىندا كريمينالدىق پوليتسيا باسقارماسىنىڭ ءتارتىپ ساقشىلارى ەرەكشە اتىس قارۋىن تاركىلەدى.
34 جاستاعى كۇدىكتىنىڭ پاتەرىندە ءتىنتۋ جۇرگىزۋ كەزىندە پوليتسەيلەر قالام تەكتەس قارۋدى تاپقان.
"سوت-مەديتسينالىق ساراپتامانىڭ قورىتىندىسىنا سايكەس, تاركىلەنگەن قارۋ وق اتۋعا جارامدى بولىپ شىقتى", دەلىنگەن ۆەدومستۆو مالىمەتىندە. زاڭسىز ساقتالعان قارۋ قويمادان تابىلدى.
بۇدان بولەك, پوليتسيا قىزمەتكەرلەرى گاز تاپانشاسى مەن ەكى پىشاقتى تاركىلەگەن. اتالعان فاكتى بويىنشا قر قىلمىستىق كودەكسىنىڭ 287-بابى 3-بولىگى بويىنشا تەرگەۋ امالدارى جۇرگىزىلۋدە.
