ايماقتار • 28 تامىز، 2020

"قۇقىقتىق ءتارتىپ" شاراسى جاسوسپىرىمدەردىڭ بەيمەزگىل ۋاقىتتا جۇرگەن 163 فاكتىسىن انىقتادى

25 رەت كورسەتىلدى

سولتۇستىك قازاقستان وبلىسىنىڭ پوليتسەيلەرى "قۇقىقتىق ءتارتىپ" جەدەل-پروفيلاكتيكالىق ءىس-شاراسىنا قورىتىندى جاساپ، 3 كۇننىڭ ىشىندە عانا ءتۇن كەزگەن 163 ءجاسوسپىرىم توقتاتىلعانىن ايتتى، دەپ حابارلايدى Egemen.kz

ءىس-شارا بارىسىندا جول ەرەجەلەرىن ساقتاۋ، ەسەپتەگى ادامداردىڭ ۇيدە بولۋىن تەكسەرۋ، قوعامدىق ورىندارداعى قۇقىق بۇزۋشىلىقتار مەن قىلمىستاردىڭ الدىن الۋ جانە قوعامدىق قاۋىپسىزدىكتى قامتاماسىز ەتۋگە بايلانىستى باسقا دا جۇمىستار قامتىلدى. سونىمەن بىرگە جاڭا وقۋ جىلى قارساڭىندا كامەلەتكە تولماعانداردىڭ قاۋىپسىزدىگىنە ەرەكشە نازار اۋدارىلدى.

يۋۆەنالدىق پوليتسيا قىزمەتكەرلەرى تۇرمىسى قولايسىز وتباسىلارىن تەكسەرىپ، جاسوسپىرىمدەر جينالاتىن جەرلەرگە رەيدتەر جۇرگىزدى. تۇنگى تەكسەرىستەردىڭ بىرىندە پەتروپاۆل قالاسىنداعى "بەريوزوۆايا روششا" دەمالىس بازاسىندا 2002-2005 جىلدارى تۋعان ءتورت كامەلەتكە تولماعاندار انىقتالدى.

ەندى ولاردىڭ اتا-انالارىنا بالالارىنىڭ كارانتيندىك شەكتەۋلەردى بۇزعاندارىنا، تۇندە ۇيدەن تىس بولعاندارى جانە الكوگولدىك ىشىمدىك ىشكەندەرى ءۇشىن جاۋاپ بەرۋگە تۋرا كەلدى. كارانتيندى بۇزعانى ءۇشىن دەمالىس ورتالىعىنىڭ اكىمشىلىگى دە جاۋاپكەرشىلىككە تارتىلدى.

"جەدەل-پروفيلاكتيكالىق ءىس-شارانىڭ ءۇش كۇنىندە بالالاردىڭ تۇنگى ۋاقىتتا قاراۋسىز ءجۇرۋىنىڭ 163 فاكتىسى انىقتالدى"، دەيدى سقو پد باستىعىنىڭ ءبىرىنشى ورىنباسارى، پوليتسيا پولكوۆنيگى قانات ايتباەۆ.

ءىس-شارا بارىسىندا 1826 ءتۇرلى قۇقىق بۇزۋشىلىق انىقتالدى. ونىڭ ىشىندە بالا تاربيەسى بويىنشا اتا-انالاردىڭ ءوز مىندەتتەرىن ورىنداماۋىنىڭ 39 فاكتىسى، قوعامدىق ورىندارعا ماس كۇيىندە كەلۋدىڭ 350 فاكتىسى، 150 ۇساق بۇزاقىلىق، 895 جول ەرەجەسىن بۇزۋ بار.

سولتۇستىك قازاقستان وبلىسى

سوڭعى جاڭالىقتار

مەرەكە قارساڭىندا ماراپاتتالدى

ايماقتار • بۇگىن، 13:58

6 مامىرعا ارنالعان ۆاليۋتا باعامى

ەكونوميكا • بۇگىن، 11:16

«چەلسي» فينالعا شىقتى

سپورت • بۇگىن، 10:48

ۇقساس جاڭالىقتار