ايماقتار • 28 تامىز، 2020

شىمكەنتتە پروۆيزورلىق ۆيرۋستىق ينفەكتسياعا شالدىققان سوڭعى ناۋقاس ەمدەلىپ شىقتى

41 رەت كورسەتىلدى

شىمكەنتتەگى پروۆيزورلىق ستاتسيوناردىڭ بىرىنەن ۆيرۋستىق ينفەكتسياعا شالدىققان سوڭعى ناۋقاس جازىلىپ شىقتى.    قالا تۇرعىنى تاستانوۆا ماقپال  ت.ورىنباەۆ اتىنداعى گيپەرباريالىق وكسيگەناتسيا ورتالىعىنا 19 تامىز كۇنى جەدەل جاردەم قىزمەتىمەن جەتكىزىلگەن.  تەكسەرۋ بارىسىندا ناۋقاستا ەكى جاقتى ۆيرۋستىق پنەۆمونيانىڭ بارى انىقتالعان. دارىگەرلەر ناۋقاستىڭ جاعدايىن بايقاپ، بىردەن ەم-دوم شارالارىن جۇرگىزگەن. دەنساۋلىق جاعدايى جاقسارعان كوپ بالالى انانى دارىگەرلەر بۇگىن ارنايى ستاتسيوناردان  شىعارىپ سالدى، دەپ حابارلايدى Egemen.kz.

"ورتالىقتىڭ  بارشا دارىگەرىنە العىسىم شەكسىز. بالالارىمدى قاتتى ساعىندىم. ەندى وتباسىممەن امان-ەسەن قاۋىشاتىن بولدىم"، دەيدى كوپ بالالى انا. 

ايتا كەتەيىك، ت.ورىنباەۆ اتىنداعى گيپەرباريالىق وكسيگەناتسيا ورتالىعى جۇقپالى دەرت ورشىگەن تۇستا پروزيزورلىق ستاتسيونار رەتىندە جۇمىس ىستەدى. بۇگىنگە دەيىن پروۆيزورلىق ستاتسيوناردان  400-گە جۋىق ناۋقاس دەرتىنەن ايىعىپ  شىققان. ەندى مەديتسينالىق ۇيىم 1 قىركۇيەكتەن باستاپ ينفەكتسيالىق ستاتسيونار رەتىندەگى مىندەتىن اياقتاپ، شتاتتىق رەجيمدەگى جۇمىسىن باستايتىن بولادى

سوڭعى جاڭالىقتار

ۇقساس جاڭالىقتار