پاۆلودار وبلىسىنداعى قالالىق №2 سوتتىڭ شەشىمىمەن پارا العانى ءۇشىن وبلىستىق كادەتتىك مەكتەپ-ينتەرناتى ديرەكتورىنىڭ مىندەتىن اتقارۋشى ايىپتى دەپ تانىلدى. بۇل تۋرالى Pavlodarnews.kz حابارلادى.
ينتەرناتتىڭ باسشىسى سىبايلاس جەمقورلىق قىلمىسى ءۇشىن ەكى جىلعا باس بوستاندىعىنان ايرىلعان جانە مەملەكەتتىك قىزمەتتىڭ كەز كەلگەن لاۋازىمىنان ءۇش جىلعا شەتتەتىلدى.
بالانى وقۋعا قابىلداۋ ءۇشىن ونىڭ اتا-اناسىنان اقشا تالاپ ەتكەن. ال اتا-انا قارجى پوليتسياسىنا شاعىمدانادى. قارجى پوليتسياسىنىڭ قىزمەتكەرلەرى مەكتەپ-ينتەرنات ديرەكتورىنىڭ مىندەتىن اتقارۋشىنى پارا العان جەرىنەن قولعا ءتۇسىردى. ونىڭ بۇل ارەكەتى قىلمىستىق كودەكستىڭ 311-بابىنىڭ 1-تارماعى بويىنشا قارالدى.
باقىتبەك كەنەش ۇلى.
