قازاقستان • 27 تامىز، 2020

تەمىر جول كولىگى: زاڭ جوباسىنداعى جاڭاشىلدىقتار تۋرالى

27 رەت كورسەتىلدى

تەمىر جول سالاسىن جەتىلدىرۋگە باعىتتالعان "تەمىر جول كولىگى تۋرالى" قر زاڭى جوباسىنىڭ تۇجىرىمداماسى ازىرلەندى. وندا تاسىمالداۋ شارالارىن تاسىمالداۋشىلاردىڭ باسەكەلى نارىعىنا باعدارلاۋ جانە وسى پروتسەستىڭ ءاربىر قاتىسۋشىنىڭ ءرولى، قۇقىقتارى مەن مىندەتتەرىن ايقىنداۋ ەسكەرىلگەن.

بۇل رەتتە، جولاۋشىلارعا قىزمەت كورسەتۋ ستاندارتتارىن ەنگىزە وتىرىپ، جولاۋشىلارعا قىزمەت كورسەتۋ تاسىلدەرىن قايتا قاراۋ كوزدەلگەن. حالىقارالىق كولىك دالىزدەرىن دامىتۋدى ەسكەرە وتىرىپ، كونتەينەرلىك تاسىمالدار بويىنشا كورسەتكىشكە قول جەتكىزۋگە مۇمكىندىك بەرەتىن ينفراقۇرىلىمعا قويىلاتىن تالاپتاردى ايقىنداۋ، سونداي-اق جۇك تاسىمالداۋشىلاردى ليتسەنزيالاۋ ينستيتۋتىن جاڭعىرتۋ جانە "قتج "ۇك" اق جەرگىلىكتى اكتىلەرىنە نورماتيۆتىك قۇقىقتىق اكتىلەر مارتەبەسىن بەرۋ جوسپارلانىپ وتىر.

باسەكەلەستىكتى دامىتۋدىڭ ءوزى تاسىمالداۋشىلاردىڭ جۇمىس ىستەۋىنە تەڭدەي ەمەس جاعداي تۋىنداتاتىن كەدەرگىلەردى جويۋعا بارىپ تىرەلەدى.

قازىرگى كەدەرگىلەر جەكە جۇك تاسىمالداۋشىلار مەن ۇلتتىق جۇك تاسىمالداۋشىنىڭ جۇمىس ىستەۋىنىڭ تەڭسىز تاريفتىك شارتتارىندا جاتىر. سوندىقتان مۇنىڭ ءبارى كەڭىنەن تالدانادى جانە بىرتىندەپ تۇزەتىلەدى.

وسىلايشا، ۇلتتىق جۇك تاسىمالداۋشى تومەن (وزىندىك قۇنىنان تومەن) قۇنى بويىنشا قىزمەت ۇسىنۋ ارقىلى جولاۋشىلاردى تاسىمالداۋشىلاردى قارجىلاندىرادى. جەكە جۇك تاسىمالداۋشىلاردا مۇنداي مىندەتتەمەلەر جوق.

ءسويتىپ نارىق قاتىسۋشىلارى ءۇشىن ءىس جۇزىندە بىردەي باسەكەلەستىك جاعداي جاسالادى.

وسىعان بايلانىستى تۇجىرىمدامادا ۇلتتىق جۇك تاسىمالداۋشىنىڭ جولاۋشىلار تاسىمالداۋشىلارىن قولداۋ جۇيەسىن قۇرۋ، سونداي-اق تارتىم تۇرلەرى بويىنشا تاريفتەردى سارالاۋ ارقىلى تاريف بەلگىلەۋ نەگىزدەرىن وزگەرتۋ جونىندە بىرقاتار ينستيتۋتسيونالدىق نەگىزدەر قابىلداۋ كوزدەلىپ وتىر.

ستاندارتتارعا كەلەتىن بولساق، قولدانىستاعى زاڭدا ۆوكزالدار مەن پوەزداردا جولاۋشىلارعا قىزمەت كورسەتۋ ستاندارتتارىن رەگلامەنتتەيتىن نورمالار، سونداي-اق تاسىمالداۋ جونىندەگى قىزمەتتەردى تۇتىنۋشىلار رەتىندە جولاۋشىلاردىڭ مۇددەلەرىن قورعاۋ جونىندەگى نورمالار جوق.

سوندىقتان قىزمەت كورسەتۋ ستاندارتتارىن ەنگىزۋدىڭ نەگىزگى مىندەتتەرى:

- ءار ءتۇرلى سۋبەكتىلەردەگى تەمىر جول كولىگى قىزمەتكەرلەرىنىڭ ءىس-ارەكەتتەرىن بىرىزدەندىرۋ;

- جولاۋشىلار ءۇشىن بارىنشا تۇسىنىكتى مىنەز-ق ۇلىق ءتارتىبىن قامتاماسىز ەتۋ جانە ولاردىڭ قۇقىقتارى مەن مىندەتتەرىن ءتۇسىندىرۋ;

- تەمىرجول كولىگى قىزمەتكەرلەرىن اشىق جانە وبەكتيۆتى باعالاۋ ءۇشىن نەگىزدەر جاساۋ;

- جولاۋشىلارعا قىزمەت كورسەتۋدىڭ بىرىڭعاي ساپاسىنا قول جەتكىزۋ (پوەزداردىڭ كەشىگۋى كەزىندە مىندەتتى سمس حابارلاۋدى ەنگىزۋ)، بيلەتتەۋدىڭ قازىرگى زامانعى جۇيەسى;

- جۇمىس پروتسەستەرى مەن راسىمدەرىن وڭتايلاندىرۋ;

- كورسەتىلەتىن قىزمەتتەردىڭ ساپاسى مەن قۇرىلىمىنا، اتاپ ايتقاندا جۇمساق المالى-سالمالى مۇكاممالدىڭ ساپاسىنا، اۋا باپتاۋ جۇيەلەرىنىڭ بولۋىنا جانە باسقا دا قوسىمشا قىزمەتتەرگە قويىلاتىن تالاپتاردى بەكىتۋ.

جولاۋشىلاردى تاسىمالداۋ ەرەجەلەرىندە كورسەتىلگەن جولاۋشىلارعا قىزمەت كورسەتۋدىڭ وزىندىك ءتارتىبى ستاندارت بولادى. الايدا، جولاۋشىلاردىڭ وسى تارتىپپەن جازىلعان اقپاراتتى جانە نورمالاردى جاقسى قابىلداۋى ءۇشىن وعان "جول بويىندا جانە ۆوكزالداردا جولاۋشىلارعا قىزمەت كورسەتۋ ستاندارتى" اتاۋىن بەرۋ جوسپارلانۋدا. ونىمەن جولاۋشىلاردى تانىستىرۋ ءۇشىن اتالعان ستاندارتتى پوەزدىڭ ۆاگونىنا ءىلۋ مىندەتتەلەدى.

 
سوڭعى جاڭالىقتار

ۇقساس جاڭالىقتار