الەم • 27 تامىز، 2020

51 ادامدى ولتىرگەن اۋستراليالىققا سوت ۇكىمى شىقتى

94 رەت كورسەتىلدى

2019 جىلى كرايستچەرچتەگى مەشىتتە ادامدارعا وق اتقان اۋستراليالىق برەنتون تاررانت ءومىر بويى باس بوستاندىعىنان ايىرىلدى، - دەپ حابارلايدى Egemen.kz Tengrinews.kz سايتىنا سىلتەمە جاساپ. 

New Zealand Herald گازەتىنىڭ مالىمەتىنشە، سوت برەنتون تاررانتتى ءومىر بويىنا باس بوستاندىعىنان ايىرۋ جانە شارتتى تۇردە مەرزىمىنەن بۇرىن بوساتۋ قۇقىعىن بەرمەۋ تۋرالى ۇكىم شىعارعان.

سونداي-اق، باسىلىمدا جاڭا زەلانديادا ءومىر بويىنا باس بوستاندىعىنان ايىرىلعان سوتتالۋشىعا مەرزىمىنەن بۇرىن بوساتۋ قۇقىعى العاش رەت بەرىلمەي وتىرعانى جازىلعان.

ەسكە سالايىق، 2019 جىلدىڭ 15 ناۋرىزىندا جاڭا زەلانديانىڭ كرايستچەرچ قالاسىنداعى (وڭتۇستىك ارال) ەكى مەشىتتە اتىس بولىپ، سالدارىنان 51 ادام قازا تاۋىپ، تاعى 50 تۇرعىن ءتۇرلى دەنە جاراقاتىن العان ەدى.

سوڭعى جاڭالىقتار

ۇقساس جاڭالىقتار