دەپۋتات جول قوزعالىسى قاۋىپسىزدىگىن جاقسارتۋ, كارانتيندىك شەكتەۋلەر مەن قۇقىق بۇزۋشىلىقتاردىڭ الدىن الۋ كەزىندەگى كوڭىل كوتەرۋ ورىندارىنىڭ جۇمىسى تۋرالى ايتتى. سونىمەن قاتار, اندرەي لۋكين جولدارداعى جول-كولىك وقيعالارىن ازايتۋ, اۆتوكولىكتەر سانىنىڭ ۇنەمى ءوسۋى جاعدايىندا جول وقيعالارىنان بولاتىن الەۋمەتتىك جانە ەكونوميكالىق زالالدى ازايتۋ, جول-كولىك وقيعالارىنان زارداپ شەككەندەرگە كومەك كورسەتۋ ءۇشىن ماماندار دايارلاۋ, حالىقتى اقپاراتتاندىرۋ دەڭگەيىن ارتتىرۋ جانە شەكتەۋ كارانتيندىك شارالارى كەزىندە ويىن-ساۋىق ورىندارىنىڭ جۇمىسىن باقىلاۋدى كۇشەيتۋ بويىنشا جۇمىستى جاقسارتۋ قاجەت ەكەنىن اتاپ ءوتتى.
سونداي-اق اندرەي لۋكين ونلاين رەجيمدە اۋداندىق پروكۋراتۋرالاردىڭ, نۇر-سۇلتان قالاسى اكىمدىگى اپپاراتىنىڭ قىزمەتكەرلەرىمەن جەرگىلىكتى وكىلدى جانە اتقارۋشى ورگانداردىڭ, جەرگىلىكتى ءوزىن-ءوزى باسقارۋ ورگاندارى مەن لاۋازىمدى تۇلعالاردىڭ اكتىلەرىنىڭ, ارەكەتتەرىنىڭ نەمەسە ارەكەتسىزدىگىنىڭ زاڭدىلىعىن قاداعالاۋ, سىبايلاس جەمقورلىق قۇقىق بۇزۋشىلىقتار جانە وزگە دە وزەكتى ماسەلەلەر مەن ولاردى شەشۋ جولدارىن تالقىلادى. اكىمدىك قىزمەتكەرلەرىمەن اڭگىمە بارىسىندا دەپۋتات ەلوردا تۇرعىندارىنا مەملەكەتتىك قولداۋدىڭ قولدانىستاعى قۇرالدارى, مەملەكەتتىك باعدارلامالاردىڭ مۇمكىندىكتەرى جانە ولارعا قاتىسۋ ەرەجەلەرى تۋرالى مۇمكىندىگىنشە كوبىرەك ايتۋ كەرەكتىگىن جەتكىزدى.
كەزدەسۋلەر قورىتىندىسى بويىنشا سەناتور ءتيىستى دەپۋتاتتىق ساۋالدار جولداۋدى كوزدەپ وتىر.
