ەندى كوماندانىڭ باس باپكەرى قىزمەتىن ۋاقىتشا پول ەشۋورت اتقاراتىن بولادى. ول "پيتەربورو" (انگليا), "ۆەنتسپيلس", "ريگا", "سكونتو" (ۆسە - لاتۆيا), "روستوۆ" (روسسيا), "سانشاينز ستارس" (نيگەريا) سەكىلدى كوماندالاردا باس باپكەرلىك قىزمەت اتقارعان.
سونىمەن قاتار ەشۋورتتا "PRO" باپكەرلىك كاتەگورياسى دا بار. بىرنەشە كوماندانى ەۋروكۋبوك ويىندارىنا باستاپ شىققان. ول ۋەفا اياسىندا وتەتىن تۋرنيرلەردە 30 شاقتى كەزدەسۋدە باپكەر بولعان.
ايتا كەتەيىك, 55 جاستاعى بيلەك "استانا" تىزگىنىن قاڭتار ايىندا ۇستادى. ول ۋكراينالىق مامان رومان گريگورچۋكتىڭ ورنىنا كەلگەن ەدى. سونداي-اق چەح مامانى قازاقستان قۇراماسىنىڭ دا باس باپكەرى. بۇل باپكەردىڭ باستاماسىمەن قازاقستان قۇراماسى ەۋرو-2020 ىرىكتەۋ تۋرنيرىندە بەسىنشى ورىن السا, "استانامەن" ول قازاقستان سۋپەركۋبوگىن جەڭىپ الدى.
ەسكە سالايىق, 18 تامىز كۇنى "استانا" بەلارۋس جەرىندە چەمپيوندار ليگاسىنىڭ ءبىرىنشى ىرىكتەۋ كەزەڭىندە "دينامو-برەس" كومانداسىنا قارسى كەزدەسۋ وتكىزىپ, 3:6 ەسەبىمەن جەڭىلىپ قالدى. ەندى ەلوردالىق كوماندا ەۋروپا ليگاسىندا وينايدى.
25 تامىز كۇنى "استانا" قازاقستان پرەمەر-ليگاسىندا ءبىرىنشى رەت جەڭىلدى. الماتىدا وتكەن ويىندار بيلەكتىڭ كومانداسى قوستانايلىق "توبىلدان" 2:0 ەسەبىمەن ۇتىلدى. وسىلايشا "استانا" كوش باستاپ كەلە جاتقان "قايراتتان" التى ۇپايعا قالىپ كەتتى.
