يرينا ۆينەر-ۋسمانوۆا اتىنداعى سپورت سارايىندا وتەتىن جارىستا قازاقستاننىڭ ءۇش بىردەي ورەنى ونەر كورسەتەدى. اتاپ ايتساق, 84 كيلو سالماقتاعى داۋرەن ەرمەكوۆ (14 جەڭىس, 6 جەڭىلىس, 9 نوكاۋت) ەكاتەرينبۋرگتىڭ وكىلى ۆلاديمير مينەەۆپەن (13 جەڭىس, 1 جەڭىلىس, 11 نوكاۋت) شەبەرلىك بايقاسادى.
66 كيلو سالماق دارەجەسىندەگى ءسابيت ءجۇسىپوۆ (8 جەڭىس, 3 جەڭىلىس, 4 نوكاۋت) كالينينگرادتىق الەكساندر لۋنەۆپەن (3 جەڭىس, 3 نوكاۋت) جەكپە-جەككە شىعادى.
77 كيلو سالماقتا گويتي دازاەۆ (8 جەڭىس, 2 جەڭىلىس, 1 تەڭ, 5 نوكاۋت) ايقاسادى. ونىڭ قارسىلاسى – يركۋتسك ءوڭىرىنىڭ تۋماسى ماكسيم بۋتورين (15 جەڭىس, 2 جەڭىلىس, 1تەڭ 11 نوكاۋت).
ەستەرىڭىزگە سالا كەتەيىك, ابدۋلماناپ ماگومەد ۇلى داعىستاندا كۇرەس تۇرلەرى جانە ارالاس جەكپە-جەك ونەرىن دامىتۋعا سۇبەلى ۇلەس قوسقان تۇلعا. ول داڭقى جەر جارعان سپورتشى, UFC چەمپيونى حابيب نۇرماگومەدوۆتىڭ اكەسى. 57 جاستاعى ايتۋلى ازامات ۇستىمىزدەگى جىلدىڭ 3 شىلدەسىندە كوروناۆيرۋس دەرىتىنەن قايتىس بولدى.
