ورتالىقتىڭ ءباسپاسوز قىزمەتى ەرىكتىلەرگە شىلدە-تامىز ايلارىندا جاسالعان تاجىريبەلەردەن ۆاكتسينانىڭ قاۋىپسىزدىگى مەن ءتيىمدى ەكەنىن مالىمدەدى. ورتالىق ديرەكتورى الەكساندر گينتسبۋرگتىڭ: "ۆاكتسينا 4 كۇن كەپتىرۋدى قاجەت ەتەتىن بولعاندىقتان, ول ازداعان مولشەردە شىعارىلۋى مۇمكىن. پرەپاراتتى قۇرعاق ۇنتاق كۇيىندە تاسىمالداۋ وڭايىراق ارينە, دەگەنمەن, ازىرلەنۋىنە ۇزاعىراق ۋاقىت جۇمسالادى جانە وزىندىك قۇنى دا جوعارىراق بولادى", دەگەنى تۋراسىندا ربك جازادى.
رف دەنساۋلىق ساقتاۋ مينيسترلىگىنىڭ حابارلاۋىنشا زەرتتەۋ جۇمىستارى ماسكەۋ قالاسىنداعى بىرقاتار ەمدەۋ ورىندارىندا جۇرگىزىلىپ, 18 جاستان اسقان 40 مىڭ ەرىكتى تاجىريبەگە قاتىساتىن كورىنەدى.
ايتا كەتەيىك, بۇدان بۇرىن گامالەيادا شارتتى تۇردە «گام-كوۆيد-ۆاك», ال ساۋدا بەلگىسى "سپۋتنيك V" اتتى ۆاكتسينا دا تاجىريبەدەن ءوتىپ, جاقسى ناتيجە كورسەتكەن بولاتىن.
