جوعارىدا اتاپ وتكەندەي, ناۋرىز ايىندا ناۋقاستان COVID-19 ورتاشا بەلگىلەرى بايقالعان. تامىز ايىندا وعان يسپانيادان ورالعاننان كەيىن گونكونگ اۋەجايىندا سىناقتان ءوتىپ, تاعى دا كوروناۆيرۋس دياگنوزى قويىلدى. بۇل جولى ول گەنەتيكالىق جاعىنان راستالمادى. سول سەبەپتى عالىمدار گونكونگ زەررتەۋشىلەرىنىڭ قايتا زەردەلەۋدەن وتكىزۋ كەرەك دەپ وتىر. سەبەبى, ەكىنشى زەرتتەۋ قورتىندىسى مۋتاتسياعا ۇشىراعان كوۆيد بەلگىسى بولۋى ابدەن مۇمكىن. عالىمداردىڭ تۇسىندىرۋىنشە, پتسر تەست دەرتتى جۇقتىرعان ادامنىڭ اعزاسىندا كوۆيدتىڭ السىرەگەن جاسۋشالارى ساقتالىپ قالاتىنىن, ول پتسر كامەراسىنا ءتۇسىپ قالاتىنىن وسىعان دەيىن دە دالەلدەگەن.
گونكونگ گيگيەنا جانە تروپيكالىق مەديتسينا مەكتەبىنىڭ پروفەسسورى برەندان رەن بۇگىن ءتۇس اۋا جۋرناليستەرمەن كەزدەسكەن كەزدە بۇل وقيعا قايتا جۇقتىرۋدىڭ وتە سيرەك مىسالى بولۋى مۇمكىن ەكەنىن دە ايتىپتى. سەبەبى دەرتتىڭ بۇل ءتۇرى كۇنى بۇگىنگە دەيىن تولىققاندى زەرتتەلمەگەن. سول سەبەپتى كوۆيدكە قاتىستى كەز كەلگەن جاڭالىق تىڭعىلىقتى تۇردە زەرتەۋدى قاجەت ەتەدى.
وزگە عالىمداردىڭ پىكىرى گونكونگ زەرتتەۋشىلەرىنىڭ پىكىرىمەن ۇندەسىپ وتىر. ولار ەكىنشى جاعداي ەكىنشى جاعداي اسيمپتوماتيكالىق دەرت بەلگىسى ەمەس ەكەنىن, پتسر- تەستىسىنىڭ كوزىنە ءتۇسىپ قالعان ۆيرۋستى ادامنىڭ يممۋندىق جۇيەسى ءارى قاراي دامىپ كەتۋىنە جول بەرمەيتىنىن ايتىپتى.
وسىعان دەيىن عالىمدار ادامنىڭ اعزاسىندا بىرنەشە مىڭداعان ۆيرۋس بارىن, ولاردىڭ ءبارى ادامنىڭ ومىرىنە قاۋىپ توندىرمەيتىنىن, اداممەن بەيبىت قاتار ءومىر سۇرە بەرەتىنىن دا ايتقان بولاتىن. ۋاقىت وتە كەلە كوۆيد ۆيرۋستارى مۋتاتسيالانىپ, ادام اعزاسىنا قىزمەت كورسەتەتىن «اقىلدى » ۆيرۋستاردىڭ قاتارىن تولىقتىرۋى مۇمكىن. بىراق ناۋرىز ايىندا اۋىرىپ, قايتىپ بويىنان دەرت بەلگىسى تابىلعان بۇل وقيعا عالىمداردى الاڭداتىپ وتىر. ەندى قايتا تابىلعان ۆيرۋستىڭ اعزاعا اسەرى كلينيكالىق جاعدايدا باقىلاۋعا الىنادى.
