ءبىرىنشى كەزەكتە ەكپەنى ۆاكتسينالاۋدىڭ باستاپقى كەزەڭىندەگى جوسپارلى ەكپەنى الماعان 1 جاسقا دەيىنگى بالالار الادى. ۆاكتسينالاۋدى بارلىق مىندەتتى سانيتارلىق شارالاردى ساقتاي وتىرىپ, ەمحانادا الۋ كەرەك.
«يممۋنداۋ جۇمىستارى كۇنتىزبەگە سايكەس جالعاسۋدا. ەمحاناعا تەك الدىن-الا جازىلۋ ارقىلى بارۋ كەرەك. كەلەتىن پاتسيەنت جايلى مەديتسينالىق مەكەمە قىزمەتكەرلەرىن الدىن-الا حاباردار ەتەدى. ۆاكتسينالاۋ تەك ادامنىڭ ساۋ فونىندا جۇرگىزىلەدى. 30 مينۋت ىشىندە مەديتسينا قىزمەتكەرلەرى بالانىڭ نەمەسە ەرەسەك ادامنىڭ جاعدايىن مۇقيات باقىلاۋى كەرەك. قازىرگى ۋاقىتتا ادامداردى ۆاكتسينالاۋعا ەشقانداي مەديتسينالىق قارسى كورسەتىلىمدەر بايقالعان جوق. COVID-19 ۆيرۋسىمەن اۋىرىپ جازىلعان جانە ولارمەن بايلانىستا بولعان, بىراق كلينيكالىق بەلگىلەرى جوق ادامدار ادەتتەگى دەيۆاكتسيناتسيالانۋى مۇمكىن», دەيدى الماتى قالاسى №4 ەمحانانىڭ باس دارىگەرى زۋحراۋماروۆا.
پروفيلاكتيكالىق ەگۋلەردىڭ ۇلتتىق كۇنتىزبەسىنە ۇسىنىلاتىن ۆاكتسينالاردىڭ ءتۇرى, جاسى, قاشان جانە كىمدى ۆاكتسينالاۋ قاجەت, سونداي-اق قولدانۋ سحەماسى كورسەتىلگەن جوسپارلى ەگۋلەردىڭ تىزبەسى كىرەدى. قازاقستاننىڭ ۇلتتىق ەگۋ كۇنتىزبەسىندە 21 ينفەكتسيانىڭ الدىن الۋ جانە تارالۋ مۇمكىندىگى قاراستىرىلعان. ولار تەگىن بەرىلەدى. ياعني ينفەكتسيالىق جانە پارازيتتىك اۋرۋلارعا قارسى جوسپارلى ەگۋ – جاسى كەلگەن ادامدارعا, جۇقپالى اۋرۋلاردىڭ (كوكتەمگى-جازعى كەنە ەنتسەفاليتى) تابيعي وشاقتارىندا تۇراتىن جانە جۇمىس ىستەيتىندەرگە, ءوزىنىڭ كاسىبي قىزمەتى بويىنشا قاۋىپتى توپقا جاتاتىن مەديتسينا قىزمەتكەرلەرىنە («ۆ» ۆيرۋس گەپاتيتى, تۇماۋ), كارىز جانە تازارتۋ قۇرىلىستارىنىڭ قىزمەتكەرلەرى ء(ىش سۇزەگى), قان قۇيۋ پروتسەدۋراسىنان وتكەندەرگە («ۆ» ۆيرۋس گەپاتيتى), مەديتسينالىق ۇيىمدا ديسپانسەرلىك ەسەپتە تۇرعان بالالارعا (تۇماۋ), بالالار ءۇيىنىڭ, سابيلەر ءۇيىنىڭ بالالارى, قارتتار ءۇيىنىڭ كونتينگەنتى (تۇماۋ), كەز كەلگەن جانۋار تىستەگەن, سىلەكەيلەنگەن ادامدارعا (قۇتىرۋ), جاراقاتتالىپ, تەرى جانە شىرىشتى قاباتتارى بۇزىلعاندارعا (سىرەسپە), ينفەكتسياعا شالدىعۋ دەڭگەيى جوعارى وڭىرلەردە تۇراتىندارعا جۇرگىزىلەدى.
دەنساۋلىق ساقتاۋ مينيسترلىگى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ دەرەكتەرىنە سايكەس, ءالى دە ەلىمىزدە ەپيدەميالىق جاعداي تۇراقتى ەمەس. كۇزدە COVID-19 ۆيرۋسىمەن سىرقاتتانۋدىڭ ەكىنشى تولقىنى بولۋى مۇمكىن, بۇل رەتتە نەگىزگى قاۋىپ توبى – سوزىلمالى اۋرۋلارى بار ادامدار, ونىڭ ىشىندە 65 جاستان اسقان ادامدار (جۇرەك-قانتامىر جۇيەسى اۋرۋلارى, قانت ديابەتى جانە وكپەنىڭ سوزىلمالى وبسترۋكتيۆتى اۋرۋى بار) جانە مەديتسينا قىزمەتكەرلەرى بولماق. وسىعان بايلانىستى قىركۇيەك ايىنىڭ باسىندا تۇماۋعا قارسى ۆاكتسينالاۋ باستالادى. قازىرگى ۋاقىتتا 130 مىڭ دوزا كۇتىلىپ وتىر. «سك-فارماتسيا» جشس بىرىڭعاي ديستريبيۋتورىنا قوسىمشا تۇماۋعا قارسى ۆاكتسينانىڭ 300 مىڭ دوزاسىنا ءوتىنىم بەرىلدى, بۇل 2020 جىلدىڭ قازان ايىندا جەتكىزىلەدى دەپ جوسپارلانۋدا.
ال تۇماۋعا قارسى ۆاكتسيناتسيا: مەديتسينا قىزمەتكەرلەرىنە, مەديتسينالىق ۇيىمداردا مەديتسينالىق باقىلاۋدا جاتاتىن بالالارعا, التى ايدان اسقان ءجيى اۋىراتىن بالالارعا, جەتىم بالالار مەن اتا-اناسىنىڭ قامقورلىعىنسىز قالعان بالالارعا, ارنالعان ءبىلىم بەرۋ ۇيىمدارىنىڭ, بالالار ۇيلەرىنىڭ بالالارىنا, مەديتسينالىق-الەۋمەتتىك مەكەمەلەردىڭ (ۇيىمداردىڭ) قىزمەت الۋشىلارىنا, جۇكتىلىكتىڭ ەكىنشى نەمەسە ءۇشىنشى تريمەسترىندە جۇكتى ايەلدەرگە, جۇرەك-تامىر جۇيەسى مەن تىنىس الۋ ورگاندارىنىڭ سوزىلمالى اۋرۋلارى بار ادامدارعا جانە ەپيدەميالىق كورسەتكىشتەر بويىنشا جۇرگىزىلەدى.
الماتى
