«25 تامىز كۇنى تاڭعى ساعات 8:15-تە تەمىر جول ستانساسىندا تۇرعان جۇك ۆاگوندارى قاتتى جەلدىڭ سالدارىنان №3471 جۇك پويىزىنا قاراما-قارسى قوزعالعان. جويقىن سوققىنىڭ اسەرىنەن 1525 شاقىرىمدا لوكوموتيۆ پەن 23 ۆاگون رەلستەن شىعىپ كەتكەن. لوكوموتيۆتەن ءورت شىققان. وپات بولعاندار مەن زارداپ شەككەندەر جوق» دەپ حابارلايدى «قازاقستان تەمىر جولى» ۇك» اق ءباسپاسوز قىزمەتى.
وقيعا ورىن العان جەرگە بالقاش, اقتوعاي ستانسالارىنان جاعدايدى قالپىنا كەلتىرۋ جانە ءورت ءسوندىرۋ پويىزدارى جونەلتىلدى. اپاتتىڭ سەبەپ-سالدارىن تولىق تەكسەرۋ ءۇشىن ارنايى جاساقتالعان كوميسسيا دا جولعا شىققان.
شويىن جولدىڭ بويىندا بولعان اپات «نۇر-سۇلتان نۇرلى جول – دوستىق» قاتىناسىنداعى №54 پويىزدىڭ باعىتىنا بوگەت بولدى. الايدا پويىز جولاۋشىلارى جول ءجۇرۋ بيلەتتەرىندە كورسەتىلگەن مەجەلى جەرلەرىنە ۇيىمداستىرىلعان اۆتوبۋستارمەن جونەلتىلدى.
«تۇيەنى جەل شايقاسا, ەشكىنى كوكتەن ىزدە» دەمەي مە؟! توننا-توننا ۆاگونداردى جىلجىتقان جەل وزگە نىساندارعا بالەندەي كەسىرىن تيگىزە قويعان جوق بولار...
مەرەي قاينار ۇلى,
جۋرناليست
شىعىس قازاقستان وبلىسى
