مەملەكەتتىك قىزمەتتەردى قاجەت ەتكەن وبلىس تۇرعىندارى نەگىزىنەن «ازاماتتارعا ارنالعان ۇكىمەت» مەملەكەتتىك كورپوراتسياسىنا جۇگىنەدى. قىزمەتتەردىڭ باسىم بولىگى ەلەكتروندى فورماتتا كورسەتىلەدى, زاماناۋي گادجەتتەردى پايدالانا قويمايتىن اعا بۋىن وكىلدەرى كوپ جاعدايدا قاعاز تۇرىندەگى قىزمەتكە جۇگىنەدى.
«كوشى-قون جەلىسى بويىنشا سۇرانىسقا يە مەملەكەتتىك قىزمەتتەرگە قازاقستان ازاماتتارىن جەكە تۇلعانى كۋالاندىراتىن قۇجاتپەن قۇجاتتاندىرۋ, سونداي-اق تۇرعىلىقتى جەرى بويىنشا تىركەلۋ جانە ەسەپتەن شىعۋ جاتادى, - دەپ اتاپ ءوتتى سقو پد باستىعىنىڭ ءبىرىنشى ورىنباسارى پوليتسيا پولكوۆنيگى قانات ايتباەۆ. «كەز-كەلگەن ادام «ەلەكتروندى ۇكىمەت» پورتالىندا تۇرعىلىقتى جەرى بويىنشا ءوزى تىركەلە الادى. ول ءۇشىن بار بولعانى ينتەرنەتكە قوسىلعان كومپيۋتەر مەن ەلەكتروندى-تسيفرلىق قولتاڭبا قاجەت. جىل باسىنان تولقۇجات, جەكە كۋالىك پەن مەكەنجايعا تىركەلۋدى 57 مىڭنان استام سولتۇستىكقازاقستاندىق رەسىمدەدى».
قۇجات رەسىمدەۋ راسىمدەرى قىزمەتتىڭ بارىنشا جىلدام جانە ءتيىمدى كورسەتىلەتىنىندەي جاسالعان. ادامدارعا ىڭعايلى جاعداي جاساۋ, قول جەتىمدىلىك – كوشى-قون قىزمەتىنىڭ جۇمىسىنداعى نەگىزگى باسىمدىقتار. فرونت-وفيستەردە ء«بىر تەرەزە» قاعيداتى, زاماناۋي سەرۆيستىك قىزمەت كورسەتۋ مودەلى جۇزەگە اسىرىلدى. جالپى كوشى-قون قىزمەتى مەملەكەتتىك قىزمەتتەردىڭ 15 ءتۇرىن كورسەتەدى.
