بۇگىن «شاپاعات» كوممۋنالدىق بازارىنىڭ اۋماعىندا ساعات 15: 00-دە ەلوردا اكىمدىگى, «استانا – ادالدىق الاڭى» جوبالىق كەڭسەسى جانە ۇكىمەتتىك ەمەس ۇيىمدار «ادال كومەك» اكتسياسىن وتكىزۋدە.
كەلۋشىلەر تەگىن زاڭ كومەگىن الا الادى. سىبايلاس جەمقورلىققا قارسى ءىس-قيمىل ماسەلەلەرى بويىنشا اقپاراتتىق-ءتۇسىندىرۋ كەڭەستەرى وتكىزىلەدى. تىلەك بىلدىرۋشىلەر جانجالدار مەن وتباسىلىق قاتىناستاردى شەشۋ بويىنشا پسيحولوگيالىق كومەك الا الادى. سونىمەن قاتار جوعارى بىلىكتى ماماندار ساتىلاتىن تاۋارلاردىڭ ساپاسى مەن قاۋىپسىزدىگى ءۇشىن ساتۋشىلاردىڭ جاۋاپتىلىعى تۋرالى سۇراقتارعا جاۋاپ بەرەدى.
شارانىڭ ماقساتى – قۇقىقتىق ءبىلىم دەڭگەيىن, تۇتىنۋشىلاردىڭ ساۋاتتىلىعىن ارتتىرۋ جانە حالىق اراسىندا سىبايلاس جەمقورلىققا قارسى ساۋاتتىلىقتى قالىپتاستىرۋ.
ۇيىمداستىرۋشىلار سونىمەن قاتار بارلىق كەلۋشىلەر سانيتارلىق-گيگيەنالىق نورمالاردى قاتاڭ ساقتاۋى, ماسكا تاعۋى, سانيتايزەر قولدانۋى جانە قاشىقتىق ساقتاۋى ءتيىس ەكەنىن اتاپ ءوتتى.
