ەلوردا تۇرعىندارىنىڭ كولىك قۇجاتتارىن رەتتەۋگە ءبىر اپتادان از ۋاقىت قالدى. كولىك 1 قىركۇيەككە دەيىن تىركەلۋى كەرەك.
"كەدەن ورگاندارىنىڭ مالىمەتىنە سايكەس, نۇر-سۇلتان قالاسىندا تۇراتىن ازاماتتارعا ارمەنيا رەسپۋبليكاسىنان اكەلىنگەن 1 387 اۆتوكولىك تىركەلگەن. ونىڭ 628-ءى ەلوردادا ۋاقىتشا ەسەپكە الىنعان", دەپ حابارلادى اكىمشىلىك پوليتسيا.
ارمەنيادان قازاقستاندىقتارعا 2020 جىلدىڭ 1 اقپانىنا دەيىن جەتكىزىلگەن كولىك وسى اپتا ىشىندە تىركەلۋى كەرەك, ويتكەنى ولاردى ۋاقىتشا تىركەۋ كەلەسى ايدان باستاپ اياقتالادى. تۇرعىندارعا ىڭعايلى بولۋ ءۇشىن مامانداندىرىلعان حقكو-لار دەمالىس كۇندەرى دە جۇمىس جاساۋدا.
"بۇگىنگى تاڭدا ءبىز «ازاماتتارعا ارنالعان ۇكىمەت» كەاق-مەن 2020 جىلعى 30-31 تامىز – مەرەكە جانە دەمالىس كۇندەرى ارمەنيا رەسپۋبليكاسىنىڭ كولىك قۇرالدارىن تىركەۋدى ۇيىمداستىرۋ ماسەلەسىن قاراستىرۋدامىز", دەلىنگەن حابارلامادا.
بۇرىن حابارلانعانداي, قازىرگى ۋاقىتتا قازاقستانعا 2020 جىلدىڭ 1 اقپانىنا دەيىن يمپورتتالعان قايتا جابدىقتاۋ جۇرگىزىلگەن كولىك قۇرالىن تىركەۋ جۇرگىزىلۋدە. جالپى, ەلوردادا 382 اۆتوكولىك وڭ رۋلدەن سولعا اۋىستىرىلىپ قايتا جابدىقتالىپ, زەرتحانالىق تەكسەرۋدەن ءوتۋ ءۇشىن كەزەكتە تۇر.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
