21 جانە 23 تامىزدا الماتى وبلىسىنىڭ ورتالىعىندا قوعامدىق ورىنداردا ەسىرتكى قۇرالدارىن مەديتسينالىق ەمەس ماقساتتا پايدالاناتىن ادامداردى انىقتاۋ ماقساتىندا ۇيىمداستىرىلعان جەدەل شارالار بارىسىندا 27, 36, 39 جانە 42 جاستاعى ءتورت ازامات ۇستالدى. بارلىق دەرەكتەر بويىنشا قر قىلمىستىق كودەكسىنىڭ 296-بابىنا سايكەس سوتقا دەيىنگى تەرگەۋ امالدارى باستالدى.
– بۇل ادامداردى ءبىر-اق نارسە بىرىكتىرەدى. ولار قوعامعا جات ءومىر سالتىن ۇستايدى, سونداي-اق ولار ەش جەردە جۇمىس ىستەمەيدى, كەزدەيسوق تابىس تابۋ ءۇشىن ءومىر سۇرەدى. دەگەنمەن, ولار زاڭعا قايشى بولسا دا, ەسىرتكىگە قاراجات تابۋدىڭ جولدارىن قالايدا تابادى. قوعامدىق ورىنداردا ەسىرتكىنى قولدانۋ – جاستاردى قىلمىستىق ورتاعا تارتۋدىڭ ءبىر ءتاسىلى ەكەنىن ەسكەرە وتىرىپ, كۇدىكتىلەر سوت الدىندا ارەكەتتەرى ءۇشىن جاۋاپ بەرەدى. ولارعا 80 اەك كولەمىندە ايىپپۇل, 80 ساعاتقا دەيىنگى مەرزىمگە تۇزەۋ نەمەسە قوعامدىق جۇمىستار نەمەسە 20 تاۋلىككە دەيىن قاماۋعا الۋ جازاسى كوزدەلگەن, – دەپ تۇيىندەدى الماتى وبلىسى پد ەسىرتكى بيزنەسىنە قارسى ءىس-قيمىل باسقارماسى باستىعىنىڭ ورىنباسارى ايان يسابەكوۆ.
جىل باسىنان بەرى تالدىقورعان قالاسىندا وسىنداي 125 دەرەك تىركەلگەن. وتكەن جىلى وبلىس كولەمىندە پوليتسيا قىزمەتكەرلەرى ەسىرتكى زاتتارىن مەديتسينالىق ەمەس ماقساتتا تۇتىنۋدىڭ 214 دەرەگىن اشكەرەلەسە, بيىل 219 دەرەك انىقتالعان. بۇل قۇقىق قورعاۋ ورگاندارىنىڭ وسى باعىتتاعى جۇمىستارىنىڭ جاندانعانىن كورسەتەدى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
