بۇگىن, تۇنگى بىردە الماتىلىق تۇرعىن ارىقتان شاقالاقتى تاۋىپ الادى. بەلگىلى بولعانداي, جاڭا تۋىلعان نارەستەنى المالى اۋدانىنداعى رايىمبەك داڭعىلى بويىنداعى ارىقتا دارمەنسىز كۇيدە قالدىرىپ كەتكەن. كۋاگەر وقيعا ورنىنا دەرەۋ جەدەل جاردەم مەن پوليتسيا قىزمەتكەرلەرىن شاقىردى. بالا دەنساۋلىعى مەن كۇتىمىن باقىلاۋ ءۇشىن اۋرۋحاناعا جەتكىزىلدى. قازىرگى ۋاقىتتا المالى اۋداندىق پب جانىنداعى پوليتسيا ءبولىمى بالانىڭ بيولوگيالىق اناسىنىڭ ورنالاسقان جەرىن انىقتاۋ جانە پوليتسياعا تاپسىرۋ ءۇشىن جەدەل-ىزدەستىرۋ شارالارىن جۇرگىزۋدە.
الماتى پوليتسياسى قامقور ازاماتتاردى نارەستەنىڭ بيولوگيالىق اناسى تۋرالى كەز كەلگەن اقپارات بولعان جاعدايدا بۇل تۋرالى پوليتسياعا دەرەۋ حابارلاۋدى سۇرايدى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
