زاڭ جوباسى ەكونوميكالىق ءوسىمنىڭ باياۋلاۋى جانە الەمدىك تاۋار نارىقتارىندا قولايسىز كونيۋنكتۋرا جاعدايلارىندا ەل ەكونوميكاسىنىڭ 2025 جىلعا دەيىنگى دامۋ بولجامى نەگىزىندە ازىرلەندى. بيۋدجەت جوباسىن قالىپتاستىرۋ كەزىندەگى باسىم مىندەتتەر — مەملەكەتتىڭ الەۋمەتتىك مىندەتتەمەلەرىن قامتاماسىز ەتۋ جانە مەملەكەتتىك ينۆەستيتسيالاردىڭ قولايلى دەڭگەيىن ساقتاۋ.
ە. جاماۋباەۆتىڭ ايتۋىنشا, 2021 جىلعا تۇسىمدەر 11,4 ترلن تەڭگە دەڭگەيىندە بولجانىپ وتىر. رەسپۋبليكالىق بيۋدجەتتىڭ كىرىستەرى (ترانسفەرتتەردى ەسەپتەمەگەندە) 2021 جىلى 6,9 ترلن تەڭگەنى, 2022 جىلى 8,6 ترلن تەڭگەنى, 2023 جىلى 9,2 ترلن تەڭگەنى قۇرايدى. ۇلعايۋ نەگىزىنەن كورپوراتيۆتىك تابىس سالىعى, قوسىلعان قۇن سالىعى جانە شيكى مۇنايعا ەكسپورتتىق كەدەندىك باج بويىنشا كۇتىلۋدە. بيۋدجەت تاپشىلىعى 2021 جىلى جالپى ىشكى ءونىمنىڭ 3,4%-نان 2023 جىلى كەزەڭ-كەزەڭمەن جالپى ىشكى ءونىمنىڭ 2,1%-نا دەيىن تومەندەۋىمەن جوسپارلانعان. ءمينيستردىڭ ايتۋىنشا, شىعىستار 2021 جىلى 14 ترلن تەڭگەنى قۇرايدى. بيۋدجەتتىڭ اعىمداعى شىعىستارى كەلەسى جىلعا 13,1 ترلن تەڭگە دەڭگەيىندە انىقتالدى. دامۋ بيۋدجەتىنىڭ كولەمى 2021 جىلى 900 ملرد تەڭگە سوماسىندا جوسپارلانىپ وتىر.
ە. جاماۋباەۆ اتاپ وتكەندەي, جوبادا بيۋدجەتتىڭ الەۋمەتتىك باعىتى ساقتالدى. شىعىستار قۇرىلىمىنداعى الەۋمەتتىك سالانىڭ ۇلەسى 50,4%-دى قۇرايدى. وسىلايشا, الەۋمەتتىك سالاعا 2021 جىلى 2020 جىلمەن سالىستىرعاندا 454 ملرد تەڭگەگە وسىممەن 7 ترلن تەڭگە جوسپارلاندى. جىل سايىنعى يندەكستەۋ جانە زەينەتاقى مەن جاردەماقى الۋشىلار كونتينگەنتىن ۇلعايتۋعا كەلەسى جىلعا قوسىمشا 265 ملرد تەڭگە كوزدەلدى.
سونداي-اق پەداگوگتەر مەن دارىگەرلەردىڭ جالاقىلارىن كوتەرۋ جولىمەن ولاردىڭ مارتەبەسىن ارتتىرۋ جونىندەگى پرەزيدەنتتىڭ تاپسىرمالارىن ىسكە اسىرۋ بويىنشا بارلىق ءىس-شارالار جوسپارلانعان.
ەكونوميكانىڭ ناقتى سەكتورىنىڭ دامۋىن قولداۋعا 2021 جىلعا 1,7 ترلن تەڭگە كوزدەلدى. وسى قاراجات اياسىندا «نۇرلى جول», «نۇرلى جەر», اگروونەركاسىپتىك كەشەندى دامىتۋ, يندۋستريالىق-يننوۆاتسيالىق دامۋ مەن «بيزنەستىڭ جول كارتاسى – 2025» جانە تاعى باسقا باعدارلامالاردى ىسكە اسىرۋ جالعاسادى.
مينيستر اتاپ وتكەندەي, 2021 جىلى وڭىرلەرگە رەسپۋبليكالىق بيۋدجەت قاراجاتى ەسەبىنەن 3,8 ترلن تەڭگە بولىنەدى, بۇل جالپى بيۋدجەت شىعىستارىنىڭ شامامەن 27%-ىن قۇرايدى. ونىڭ ىشىندە اعىمداعى نىسانالى ترانسفەرتتەرى — 1,4 ترلن تەڭگە, دامۋ ترانسفەرتتەرى تۇرىندە 405 ملرد تەڭگە كوزدەلدى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
