جىلدىڭ اياعىندا قۋاتتىلىعى جىلىنا 4 مىڭ توننا بالىق وندەيتىن جاڭا تسەح ىسكە قوسىلادى. ارال اۋدانىندا ورنالاساتىن ءوندىرىس ورنى "بالىقتى تەرەڭىنەن قايتا وڭدەۋ زاۋىتى مەن پلاستيكالىق قايىق جاساۋ تسەحى" دەپ اتالادى. جوبانىڭ جالپى قۇنى 160 ملن تەڭگەنى قۇرايدى. تسەح تولىققاندى ىسكە قوسىلسا, 100-گە جۋىق مامان تارتىلىپ, بالىق وندەۋ ءىسى جاندانادى.
تاعى ءبىر جوبا – قارماقشى اۋدانىندا قوسىلاتىن قۇس فابريكاسى. جىلىنا 1500 توننا قۇس ەتىن وندىرەتىن فابريكانىڭ جوبا قۇنى 1,9 ملرد تەڭگە دەپ بەلگىلەنگەن. ەت ءونىمىنىڭ ۇلەسىن كوبەيتۋ ىسىمەن 50-گە جۋىق مامان اينالىسپاق.
ەندى جاڭا 2021 جىلدان باستاپ قىزىلوردالىقتار تاباقشا شىنى شىعاراتىن زاۋىت جۇمىسىمەن تانىسا الادى. جىلىنا 197,1 مىڭ توننا تاباقشا شىنى وندىرەتىن زاۋىتتا 200-دەن استام مامان تۇراقتى جۇمىس كوزىن تابادى.
وڭىردە مۇناي ءوندىرۋ كولەمىنىڭ تومەندەۋىمەن بايلانىستى ونەركاسىپ ءوندىرۋ كولەمى تومەندەگەنىمەن, تاماق ونىمدەرىن ءوندىرۋ 29,8%-عا, وزگە مەتالل ەمەس مينەرالدىق ونىمدەر ءوندىرىسى 13,3 پايىزعا, ماشينالار مەن جابدىقتاردى جوندەۋ جانە ورناتۋ ءىسى 10,7%-عا ارتقان.
