اتالعان دەپارتامەنت ديرەكتورىنىڭ ايتۋىنشا, الداعى ۋاقىتتا مەملەكەتتىك ساتىپ الۋلار پورتالىندا جەڭىمپاز ۇپاي سانى, باعا مەن ساپا كورسەتكىشتەرى ەسكەرىلە وتىرىپ انىقتالادى.
– مەملەكەتتىك ساتىپ الۋلاردى وتكىزۋ ءتارتىبى وزگەرەدى. بۇل سالادا تاۋار مەن قىزمەتتى جەتكىزۋشى كومپانيانى تاڭداۋ كەزىندە ادام فاكتورىن تولىعىمەن جويۋ قاجەت. سوندا سىبايلاس جەمقورلىق بولمايدى. وسىعان بايلانىستى ءبىز مەملەكەتتىك ساتىپ الۋلاردىڭ جاڭا ءتاسىلىن پىسىقتاپ جاتىرمىز. وندا رەيتينگتىك بالدىق جۇيە قولدانىلادى. مۇنداي ساتىپ الۋ راسىمىنە ادام مۇلدەم ارالاسپايدى. كونكۋرستىق كوميسسيا دا بولمايدى, – دەدى س.احمەتوۆ.
سپيكەر اتاپ وتكەندەي, مەملەكەتتىك ساتىپ الۋلار پورتالىندا تاۋار مەن قىزمەتتى جەتكىزۋشىلەردىڭ رەيتينگىن ەنگىزۋ ۇسىنىلىپ وتىر. ماسەلەن, ەڭبەك تاجىريبەسى, قارجىلىق تۇراقتىلىق, كەپىلدىك مەرزىمى جانە تاعى باسقا كورسەتكىشتەر ءۇشىن ۇپاي بەرىلەدى. ال قارىز بەن ايىپپۇلدارى بولسا, تەرىس ۇپاي جازىلادى. سونىڭ نەگىزىندە رەيتينگ جاسالادى.
– مۇنداي تاجىريبە وڭتۇستىك كورەيادا بار. بۇل ەل الەم بويىنشا مەملەكەتتىك ساتىپ الۋلاردىڭ ەلەكتروندى جۇيەسى جاعىنان كوشباسشى ەلدەردىڭ قاتارىنا كىرەدى, – دەپ ءتۇسىندىردى س.احمەتوۆ.
ءباسپاسوز ءماسليحاتى بارىسىندا ءتيىستى دەپارتامەنت ديرەكتورى پارلامەنت ماجىلىسىندە مەملەكەتتىك ساتىپ الۋلار ماسەلەلەرىنە ارنالعان زاڭ جوباسى جاتقانىن دا جەتكىزدى. بارلىق وزگەرىس وسى قۇجاتتىڭ اياسىندا قولعا الىنادى.
