ۇكىمەتتىك ەمەس ۇيىمداردى تارتۋ – دۇرىس شەشىم

بۇگىندە ەلىمىزدە قىزمەتكەرى پارا العانى ءۇشىن باسشىلارىن قىزمەتىنەن بوساتۋ زاڭنامالىق تۇردە ەنگىزىلدى. وسى باعىتتاعى نورماتيۆتىك-قۇقىقتىق اكتىلەردى ساراپتاۋ جۇمىسى كۇشەيتىلدى. ماسەلەن, وتكەن جىل­مەن سا­لىس­­تىر­عاندا جاۋاپكەرشىلىككە تار­تىل­­عان تۇلعالار سانى بيىل 11 پايىزعا ارتتى.

وسى ورايدا, ق.توقاەۆتىڭ سى­باي­لاس جەمقورلىقتىڭ سەبەپتەرى مەن شارتتارىن جويماي, بۇل باعىت­تاعى جۇمىس ماعىناسىز دەگەن ويى وتە ورىندى. پرە­زيدەنت مۇنداي كەشەندى جانە الدىن الۋ شارالارى جوق ەكەنىن اتاپ ءوتتى. سونداي-اق سىبايلاس جەمقورلىق پروبلەماسى بەلگىلى ءبىر سالادا توتەنشە وقيعا­لار ورىن العاننان كەيىن عانا انىق­تالاتىنىنا ەكپىن بەردى.

سىبايلاس جەمقورلىققا قار­سى ءىس-قيمىل­دى باقىلاۋعا جۇرت­شىلىقتى, ۇكى­مەت­تىك ەمەس ۇيىمداردى تارتۋ – دۇرىس شە­شىم. بۇعان ازاماتتاردىڭ بەلسەندىلىگى دە, ەڭ قى­سقا مەرزىمدە اقپاراتتى تاراتۋعا مۇم­كىن­­دىك بە­رە­تىن الەۋ­مەتتىك جەلىلەر دە ىقپال ەتەدى.

وسىلايشا, پرەزيدەنت قاتىس­قان كەڭەستە مەملەكەتتە سىباي­لاس جەم­قور­لىققا قارسى ءىس-قي­مىل­دىڭ ماڭى­زى تولىق تانىلىپ, العا قويىلعان مىن­دەتتەردى ورىن­داۋ ءۇشىن ناقتى مىندەتتەر اي­قىن­دالدى.

ايمان ءجۇسىپوۆا,

قازاقستاننىڭ تۇڭعىش پرەزيدەنتى – ەلباسى قورى جانىنداعى الەمدىك ەكونوميكا جانە ساياسات ينستيتۋتىنىڭ قىزمەتكەرى