سونىمەن قاتار 16 ناۋرىزدان 24 تامىزعا دەيىن 15 830 قازاقستاندىق مۇگەدەكتىكتى eGov.kz پورتالى ارقىلى ونلاين-رەجىمدە سىرتتاي راسىمدەدى نەمەسە ۇزارتتى. بۇل مۇمكىندىك اۆتوماتتى تۇردە ۇزارتۋمەن قاتار, مەملەكەتتىك مەكەمەلەردە ادامداردىڭ كوپ جينالۋىن بولدىرماۋ جانە كوروناۆيرۋستىق ينفەكتسيانى جۇقتىرۋ قاۋپىن ازايتۋ ماقساتىندا مۇگەدەكتىگى بار ادامدارعا بەرىلدى.
سOVID-19 تارالۋىنىڭ جالعاسۋىنا بايلانىستى ازاماتتار مۇگەدەكتىكتى بەلگىلەۋ جانە قايتا كۋالاندىرۋ ءۇشىن ەلەكتروندى فورماتتا ءوتىنىش بەرە الادى. ءوتىنىش بەرۋ ءۇشىن eGov.kz پورتالىندا اۆتورلانۋ قاجەت جانە ەلەكتروندى تسيفرلى قولتاڭبا (بۇدان ءارى – ەتسق) بولۋعا ءتيىس. پورتالعا كىرگەننەن كەيىن جوعارعى وڭ جاق بۇرىشىندا اشىلمالى ءتىزىم بار باتىرمانى باسىپ, «ەلەكتروندىق وتىنىشتەر» جانە «قىزمەتكە ونلاين تاپسىرىس بەرۋ» دەگەندى تاڭداۋ قاجەت. سودان كەيىن ءوتىنىش بەرۋشى ءوزىنىڭ جەكە كابينەتىنە كىرەدى, ول جەردە «قۇرۋ» تۇيمەسىن باسۋ كەرەك. سودان كەيىن جولداردى تولتىرۋ كەرەك ء(«وڭىر», «ناقتى تۇراتىن مەكەنجايى», «ۇيالى تەلەفون» جانە ت.ب.). «الۋشى» جولىندا «ەڭبەك, الەۋمەتتىك قورعاۋ جانە كوشى-قون كوميتەتىنىڭ اۋماقتىق دەپارتامەنتى» تارماعىن تاڭداڭىز. بۇدان باسقا, قۇجاتتاردىڭ فوتوعا تۇسىرىلگەن نەمەسە سكانەرلەنگەن كوشىرمەلەرىن قوسا بەرۋ قاجەت. ءتىزىمدى «قاجەتتى قۇجاتتار ءتىزىمى» سىلتەمەسىنە ءوتۋ ارقىلى كورۋگە بولادى. سوڭعى ارەكەت ەتسق-كىلتتىڭ كومەگىمەن وتىنىمگە قول قويۋ بولادى. ول ءۇشىن «سەرتيفيكاتتى تاڭداۋ» باتىرماسىن باسۋ جانە اتاۋى «RSA...»-دان باستالاتىن فايلدى تاڭداۋ قاجەت, سودان كەيىن جۇيە اشىق ءپارولدى ەنگىزۋدى تالاپ ەتەدى.
ءوتىنىش بەرۋ ناتيجەسىندە وتىنىمگە جەكە كابينەتتە ستاتۋس بەرىلەدى.
ايتا كەتەيىك, 16 جانە 18 جاسقا تولعان مۇگەدەك بالالارعا قاتىستى سىرتتاي قايتا كۋالاندىرۋ قاراستىرىلعان. ولارعا مۇگەدەكتىك قولدا بار قۇجاتتار نەگىزىندە جانە الدىڭعى كۋالاندىرۋعا سايكەس مۇگەدەكتىك دارەجەسىن ەسكەرە وتىرىپ بەلگىلەنەدى.
ەسكە سالا كەتەيىك, العاش رەت قازاقستان اۋماعىندا توتەنشە جاعداي رەجىمى ەنگىزىلگەن كەزەڭدە مۇگەدەكتىك مەرزىمىن اۆتوماتتى تۇردە ۇزارتۋ بويىنشا شارالار قابىلدانعان بولاتىن. قايتا كۋالاندىرۋ مەرزىمى توتەنشە جاعداي كەزەڭىنە جانە ءبىر اي بۇرىن (2020 جىلعى 16 اقپاننان باستاپ) كەلگەن ادامدارعا مۇگەدەكتىك 3 ايعا ۇزارتىلدى. بۇدان ءارى ءتيىستى اكىمشىلىك-اۋماقتىق بىرلىكتىڭ اۋماعىندا شەكتەۋ شارالارىنىڭ, ونىڭ ىشىندە كارانتيننىڭ ساقتالۋىن ەسكەرە وتىرىپ, مۇگەدەكتىك مەرزىمدەرى ۇزارتىلدى.
