تەكسەرۋ Mega Silk Way ساۋدا-ويىن-ساۋىق ورتالىعىندا, «ەتالون» ساۋدا-قۇرىلىس بازارىندا جانە نۇر-سۇلتان قالاسىنىڭ ورتالىق بازارىندا جۇرگىزىلدى. ساۋدا نىساندارىن ارالاۋ بارىسىندا كاسىپكەرلەر ساۋدا-ويىن-ساۋىق ورتالىقتارى مەن ساۋدا ۇيلەرىنىڭ جۇمىس رەجيمىن ساعات 22:00-گە دەيىن, ال بازارلاردىڭ جۇمىس رەجيمىن ساعات 20:00-گە دەيىن ۇلعايتۋ مۇمكىندىگىن قاراستىرۋ جونىندە باستاما كوتەردى.
ە. توعجانوۆ دەنساۋلىق ساقتاۋ مينيسترلىگىنە جاقىن ارادا وتەتىن COVID-19 تارالۋىنا جول بەرمەۋ جونىندەگى ۆاك-تا ساۋدا نىساندارىنىڭ جۇمىس ۋاقىتىن ۇلعايتۋ بويىنشا كاسىپكەرلەردىڭ بارلىق ۇسىنىستارىن شىعارۋدى تاپسىردى. ەلوردالىق نىسانداردى ارالاۋ قورىتىندىسى بويىنشا ە. توعجانوۆ كاسىپكەرلەردى ساۋدا نىساندارىنداعى سانيتارلىق-ەپيدەميولوگيالىق تالاپتاردى قاتاڭ ساقتاۋعا شاقىردى. سونداي-اق ازاماتتاردى وزدەرىنىڭ جانە جاقىندارىنىڭ دەنساۋلىعىنا مۇقيات بولۋعا شاقىردى.
ءوز كەزەگىندە, كاسىپكەرلەر قر ۇكىمەتىنە بيزنەسكە قولداۋ كورسەتكەنى جانە قامقورلىعى ءۇشىن العىس ايتتى.
