قازاقستان رەسپۋبليكاسى پارلامەنتى سەناتى توراعاسىنىڭ ورىنباسارى اسقار بەيسەنباەۆ ۆەنگريا مەملەكەتتىك جينالىسىنىڭ توراعاسى لاسلو كيوۆەرمەن كەزدەستى. كەزدەسۋدىڭ نەگىزگى ماقساتى ەكى ەل اراسىنداعى پارلامەنتارالىق ىنتىماقتاستىقتى نىعايتۋ جانە زاڭ شىعارۋ ماسەلەلەرىن تالقىلاۋ بولدى, دەپ حابارلادى سەناتتىڭ ءباسپاسوز قىزمەتى.
قازاقستان رەسپۋبليكاسى پارلامەنتى سەناتى توراعاسىنىڭ ورىنباسارى اسقار بەيسەنباەۆ ۆەنگريا مەملەكەتتىك جينالىسىنىڭ توراعاسى لاسلو كيوۆەرمەن كەزدەستى. كەزدەسۋدىڭ نەگىزگى ماقساتى ەكى ەل اراسىنداعى پارلامەنتارالىق ىنتىماقتاستىقتى نىعايتۋ جانە زاڭ شىعارۋ ماسەلەلەرىن تالقىلاۋ بولدى, دەپ حابارلادى سەناتتىڭ ءباسپاسوز قىزمەتى.
كەزدەسۋ بارىسىندا ا.بەيسەنباەۆ ەكى ەلدىڭ زاڭ شىعارۋ ورگاندارى ءوزارا ءىس-قيمىلدىڭ بارلىق سالالارىندا ەكىجاقتى ىنتىماقتاستىقتى ۇلعايتۋعا بەلسەندى قاتىسۋى ءتيىس دەگەن پىكىر ءبىلدىردى. سونداي-اق, ول قازاقستان پارلامەنتىنىڭ قىزمەتى مەن قۇرىلىمى تۋرالى اڭگىمەلەدى جانە قازاقستاندىق پارلامەنتشىلەر ەقىۇ, ەۋروپا كەڭەسى جانە ناتو پارلامەنتتىك اسسامبلەيالارىنا قاتىسۋ اياسىندا ۆەنگرلىك ارىپتەستەرىمەن كوپجاقتى بايلانىستاردى دامىتۋعا مۇددەلى ەكەنىن اتاپ ءوتتى.
ل.كيوۆەر پارلامەنتشىلەر اراسىنداعى ىنتىماقتاستىقتى ۇدەتۋ جايىندا ايتا كەلىپ, ەكى ەل اراسىندا ارىپتەستىك بايلانىستاردى ودان ءارى ىلگەرىلەتۋ ءۇشىن بەرىك ىرگەتاس قالىپتاسقانىن جەتكىزدى.
پارلامەنتشىلەردىڭ ەل ىشىندەگى قوعامدىق-ساياسي احۋال قالىپتاستىرۋعا عانا ەمەس, تۇتاستاي حالىقارالىق ۇدەرىستەرگە اسەر ەتە الاتىنىن اتاپ وتە كەلىپ, ا.بەيسەنباەۆ قازاقستاننىڭ 2017-2018 جىلداردا بۇۇ قاۋىپسىزدىك كەڭەسىنىڭ تۇراقتى ەمەس مۇشەسى بولۋ تۋرالى ءوتىنىشىن ىلگەرىلەتۋگە مەملەكەتتىك جينالىستىڭ جاردەمدەسۋىن ءوتىندى.
«قازاقستان بۇرىن بۇۇ قاۋىپسىزدىك كەڭەسىنىڭ مۇشەسى بولعان جوق, دەگەنمەن, حالىقارالىق كۇن ءتارتىبىنىڭ ەڭ جاۋاپتى جانە كۇردەلى سالالارىندا مول تاجىريبەسى بار. ەلىمىزدىڭ بىرقاتار ايماقتىق جانە جاھاندىق ۇدەرىستەرگە تىعىز ارالاسۋى بىزگە سان-سالالى اقپاراتتارعا جانە بۇۇ قاۋىپسىزدىك كەڭەسىنىڭ الدىندا تۇرعان حالىقارالىق قاۋىپسىزدىك ماسەلەلەرىن شەشۋدىڭ ءتۇرلى جولدارىنا يە بولۋدىڭ تاماشا مۇمكىندىگىن بەرىپ وتىر», – دەپ اتاپ ءوتتى سەنات توراعاسىنىڭ ورىنباسارى.
كەزدەسۋ بارىسىندا ەكونوميكا جانە مادەني-گۋمانيتارلىق سالالارداعى ەكىجاقتى ىنتىماقتاستىق ماسەلەلەرى تالقىلاندى.
كەزدەسۋگە سونداي-اق قازاقستان رەسپۋبليكاسىنىڭ ۆەنگرياداعى توتەنشە جانە وكىلەتتى ەلشىسى نۇرباح رۇستەموۆ, سەناتورلار سەرىك اقىلباي, سۆەتلانا جالماعامبەتوۆا, ۆلاديمير بوبروۆ جانە ءماجىلىس دەپۋتاتى اندرەي بەگەنەەۆ قاتىستى.
