ەلوردا • 24 تامىز، 2020

"نۇر-سۇلتان قالاسىنىڭ قۇرمەتتى پەداگوگى" مەدالىنىڭ يەگەرلەرىنە 830 مىڭ تەڭگەدەن تولەنەدى

174 رەت كورسەتىلدى

بيىل ەلوردالىق مۇعالىمدەر العاش رەت "نۇر-سۇلتان قالاسىنىڭ قۇرمەتتى پەداگوگى" مەدالىمەن ماراپاتتالادى. مەدال يەلەرىنە 830 مىڭ تەڭگەدەن (300 اەك) تولەنەدى. بۇل تۋرالى ونلاين وتكەن "تامىز" كەڭەسىندە ەلوردا اكىمى التاي كولگىنوۆ حابارلادى. 

"مەملەكەت باسشىلىعى مۇعالىمدەردىڭ جاعدايىن جاقسارتۋعا ەرەكشە كوڭىل بولەدى. "پەداگوگ مارتەبەسى تۋرالى" زاڭ قابىلداندى. بيىلعى جىلدىڭ 1 قاڭتارىنان باستاپ مۇعالىمدەردىڭ جالاقىسى 25%-عا ارتتى. 2024 جىلعا دەيىن 25%-عا ارتادى. بىلتىر ءبىز ءوز تاراپىمىزدان تۇرعىن ءۇي ساتىپ الۋ ءۇشىن الەۋمەتتىك جاردەماقى تۇرىندە 1 ملن تەڭگە سوماسىنا وتەۋسىز نەگىزدە 275 تۇرعىن ءۇي سەرتيفيكاتىن بولدىك. وسى جىلى دا مۇعالىمدەردىڭ تۇرعىن ءۇي جاعدايىن جاقسارتۋعا كومەكتەسەمىز"، دەدى ەلوردا اكىمى التاي كولگىنوۆ.

ەلوردا اكىمى بيىل "قازاقستاندىق يپوتەكالىق ۇيىممەن" بىرلەسىپ، 1 مىڭ الەۋمەتتىك پاتەردى ىسكە اسىرۋ تۋرالى كەلىسىمگە قول قويىلعانىن اتاپ ءوتتى. بۇل باسپاناعا مۇعالىمدەردەن باسقا مەديتسينا قىزمەتكەرلەرى، پوليتسەيلەر، الەۋمەتتىك قىزمەتكەرلەر، مادەنيەت جانە سپورت قايراتكەرلەرى دە ۇمىتكەر بولا الادى.

بىلتىر جۇمىسىن ەندى باستاعان مۇعالىمدەردى قولداۋ ءۇشىن 350 ورىندىق جاس پەداگوگتار ءۇيى سالىندى. قالا اكىمدىگى مۇعالىمدەردىڭ كاسىبي دامۋىنا نازار اۋدارادى: "Ozat" جوباسىن ىسكە اسىرۋ اياسىندا مەكتەپتەر مەن كوللەدجدەردىڭ 400 مۇعالىمى ءرىЅا تاپسىرمالارىنا ءبىلىم الۋشىلاردى دايارلاۋ بويىنشا بىلىكتىلىكتى ارتتىرۋ كۋرستارىندا وقۋدان ءوتتى. كەمبريدج ۋنيۆەرسيتەتىمەن بىرلەسىپ SHARE جوباسى ىسكە قوسىلدى، مۇعالىمدەر بىرلەسىپ زەرتتەۋلەر جۇرگىزەدى، اقپارات الماسادى جانە ت. ب.

سوڭعى جاڭالىقتار

ۇقساس جاڭالىقتار