"ەگەر بىلتىر ينكليۋزيۆتى بىلىممەن قامتۋ 80% بولسا, بيىل ءبىز بۇل كورسەتكىشتى 100% دەڭگەيگە جەتكىزۋدى جوسپارلاپ وتىرمىز. تۇڭعىش پرەزيدەنت – ەلباسى قورىنىڭ باستاماسىمەن ەكى جاڭا مەكتەپتىڭ نەگىزىندە 1 قىركۇيەككە دەيىن 30 ورىندىق 2 ينكليۋزيۆتى قولداۋ بولمەلەرى اشىلادى. شىلدەدەن اسىل ميراس كابينەتى جۇمىس ىستەي باستادى, وندا حالىقارالىق سەرتيفيكاتقا يە جانە زاماناۋي ادىستەمەلەردى مەڭگەرگەن ماماندار جۇمىس ىستەيدى. سونداي-اق, قىركۇيەك ايىندا زياتكەرلىك قابىلەتى تومەن 100 بالاعا ارنالعان №3 ارنايى مەكتەپ اشۋدى جوسپارلاپ وتىرمىز, كۇزدە كورۋ قابىلەتى ناشار بالالارعا ارنالعان بالاباقشا اشامىز", دەدى ەلوردا اكىمى التاي كولگىنوۆ.
سونداي-اق جاڭا وقۋ جىلىندا ەلوردالىق مەكتەپتەردە قوسىمشا ءبىلىم بەرۋدىڭ 8 فيليالى جانە تاعى 2 قوعامدىق ورتالىق اشىلادى. سونىمەن قاتار, جاڭا نىسانداردىڭ ءبىرىنشى قاباتىندا الەۋمەتتىك نىساندار اشىلۋدا: بالالارعا ارنالعان شاعىن ورتالىقتار, وڭالتۋ ورتالىقتارى, بالاباقشالار, مەديتسينالىق نىساندار جانە تاعى باسقالارى.
جالپى, بيىل بىلتىرعىعا قاراعاندا ەكى ەسە كوپ مەكتەپ سالىنادى. بۇل 12 مەكتەپ, 2021 جىلى دا وسى مولشەردە سالىنادى. بۇل شارالار جۇكتەمەنى ايتارلىقتاي ازايتادى. سونىمەن قاتار, بيىل 26 ءبىلىم بەرۋ نىسانى (مەكتەپتەر, بالاباقشالار, كوللەدجدەر) جوندەلەدى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
