23 تامىز، 2020

نەيماردىڭ الدە لەۆاندوۆسكيدىڭ كومانداسى جەڭىسكە جەتە مە؟

1602 رەت كورسەتىلدى

از عانا ۋاقىتتان پسج مەن «باۆاريا» چەمپيوندار ليگاسىنىڭ كۋبوگىن ساراپقا سالادى. بۇل ويىنعا مباپپە 100 پايىز دايىن ەمەس، دەپ حابارلايدى Egemen.kz.

بۇگىنگى فينالدا ەكى نەمىس جاتتىقتىرۋشىسى – توماس تۋچەل (پسج) مەن حانس-ديتەر فليك («باۆاريا») بەتپە-بەت كەلەدى. ويىن الدىنداعى ءباسپاسوز ءماسليحاتىندا «باۆاريانىڭ» باس جاتتىقتىرۋشىسى ورتالىق قورعاۋشى بواتەنگتىڭ كەزدەسۋگە قاتىسپاۋى مۇمكىن ەكەنىن جانە كەزدەسۋگە 100 پايىز دايىن ەكەندىكتەرىن ايتتى. ء«بىز ءوزىمىزدىڭ ەڭ جاقسى ويىنىمىزدى كورسەتۋگە دايىنبىز. ەگەر بابىمىز بەن باعىمىز قاتار جانسا جانە ءار ويىنشى بار كۇش-جىگەرىن 100 پايىز جۇمسار بولسا، بۇل ماتچتا جەڭە الامىز»، دەدى فليك.

«پسج» كومانداسىنىڭ باس باپكەرى توماس تۋچەل ۆەرراتتي مەن مباپپە بۇل ويىنعا 100 پايىز دايىن ەمەس، سوندىقتان ولار نەگىزگى قۇرامعا شىقپاي قالۋى مۇمكىن ەكەنىن ايتتى. «مەن «باۆاريانىڭ» بىزگە قاراعاندا باسىمدىققا يە ەكەنىن بىلەمىز، ويتكەنى ولار مۇنداي فينالدا ويناعان. بىراق بۇل كورسەتكىش بۇگىنگى كەشتە ەشتەڭە شەشپەيدى»، دەدى تۋچەل.

 

ستاتيستيكا:

- پسج مەن «باۆاريا» چەمپيوندار ليگاسى اياسىندا 8 ماتچ وتكىزدى.

- ءبىر قىزىعى، قارسىلاستار تەڭ ويناماپتى.

- فرانتسۋز كلۋبىنىڭ ەسەبىمەن 5 جەڭىس، ميۋنحەندىكتەردە 3 جەڭىس.

- 8 ماتچتىڭ بارلىعى چەمپيوندار ليگاسىنىڭ توپتىق كەزەڭىندە وتكەن.

- گول سوعۋ جاعىنان پسج ءسال عانا باسىمدىق تانىتىپتى – 12:11.

- سوڭعى «شايقاس» 2017/18 توپتىق كەزەڭىندە وتكەن. پسج ءوز الاڭىندا 3:0 (الۆەس، كاۆاني جانە نەيمار گول سوقتى) ەسەبىمەن ويسىراتا جەڭسە، ميۋنحەندە «باۆاريا» – 3:1 (لەۆاندوۆسكي، توليسسو ەكى دوپ سوقتى)  ەسەبىمەن باسىم ءتۇستى.

- پسج ەشقاشان چەمپيوندار ليگاسىن جەڭىپ العان جوق. ەگەر باعى جانسا، وندا كۋبوكتى جەڭىپ العان 23-ءشى كوماندا بولادى.

- بيىلعى چەمپيوندار ليگاسىندا پسج 8 مارتە جەڭىسكە جەتتى، 1 رەت تەڭ ءتۇستى جانە 1 جەڭىلىسكە ۇشىرادى، گول ايىرماشىلىعى 25:5;

- «پسج» ا توبىندا ءبىرىنشى ورىنعا يە بولدى. «بورۋسسيانى» – 1/8، «اتالانتانى» – 1/4 جانە «لەيپتسيگتى» – ½ فينالدا جەڭىپ شىقتى;

- چەمپيوندار ليگاسىنىڭ سوڭعى بەس ماتچىندا پسج 4 رەت جەڭىسكە جەتىپ، 1 رەت ​​تەڭ ءتۇستى;

- وتكەن ماۋسىمدا پسج چەمپيوندار ليگاسىنىڭ 1/8 فينالىندا جارىس جولىنان شىعىپ قالدى;

- پسج كومانداسىنىڭ چەمپيوندار ليگاسىنداعى ەڭ جوعارى ناتيجەسى ول  – جارتىلاي فينال (1994/95);

- «باۆاريا» چەمپيوندار ليگاسىن جەڭىپ السا، وندا كۋبوكتى 6 مارتە باسىنا كوتەرگەن «ليۆەرپۋلدى» قۋىپ جەتەدى.

بۇل فرانتسۋز جانە نەمىس كلۋبتارىنىڭ اراسىنداعى چەمپيوندار ليگاسىنىڭ ەكىنشى فينالى. بۇعان دەيىن 1976 جىلى «باۆاريا» «سەنت-ەتەننەن» باسىم تۇسكەن ەدى.

- وسى ماۋسىمدا «باۆاريا» چەمپيوندار ليگاسىنداعى بارلىق 10 ماتچتا جەڭىسكە جەتىپ، 42:8 گول ايىرماشىلىعىمەن رەكورد ورناتتى;

- «باۆاريا» ۆ توبىندا ءبىرىنشى ورىندى يەلەندى. «چەلسيدەن» – 1/8، «بارسەلونادان» – 1/4 جانە «ليوننان» – ½ فينالدا باسىم ءتۇستى;

- «باۆاريا» وتكەن جىلى چەمپيوندار ليگاسىن شيرەك فينالدان اياقتادى;

- «باۆاريانىڭ» چەمپيوندار ليگاسىنىڭ 5 دۇركىن جەڭىمپازى (سوڭعى رەت 2013 ج.);

پسج قۇرامىندا فۋتبول «جۇلدىزدارىنىڭ» بارىنا قاراماستان، «باۆاريادا» كۋبوكتى جەڭىپ الۋ مۇمكىندىگى كوپ. بۋكمەكەرلىك كەڭسەلەر «باۆاريانىڭ» جەڭىسىنە كوبىرەك سەنىمدى. بىراق ولاردىڭ «ساۋەگەيلىگى» كوبىنەسە ورىندالماي جاتاتىنىن تاعى ەستەن شىعارماعانىمىز ابزال.

 

پسج – «باۆاريا»

23 تامىز. ليسسابون. «ەستاديۋ دا لۋز» ستاديونى. 00:50.

تورەشى – دانيەلە ورساتو (يتاليا).

كورسەتىلىم – «Qazaqstan» تەلەارناسى.

"باۆاريا" ساپىندا الاڭعا شىعۋى مۇمكىن فۋتبولشىلار

پسج ساپىندا الاڭعا شىعۋى مۇمكىن فۋتبولشىلار

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار