ويىن باستالا سالا «ينتەر» سۇرمەرگەنى رومەلۋ لۋكاكۋ وڭ قاپتالدان شابۋىل جاساپ كورگىسى كەلگەن. ونىڭ جولىنا قارسى تۇرعان ديەگو كارلوس بەلگيالىقتىڭ جىلدامدىعىنا ىلەسە الماي, اقىرى ايىپ الاڭىنىڭ ىشىندە شالىپ جىقتى. ءوزى الىپ كەلگەن پەنالتيدى لۋكاكۋ (5-مينۋت) ءساتتى ورىنداپ, ەسەپ اشتى.
ۇزىلىسكە قاراي «سەۆيليا» ليۋك دە يونگتىڭ ءدۋبلىنىڭ ارقاسىندا العا شىقتى. گوللانديالىق شابۋىلشى 12-ءشى جانە 33-ءشى مينۋتتا گول سوقتى. ەكەۋىندە دە باسپەن. ءبىرىنشى گولىن ول كوماندا كاپيتانى حەسۋس ناۆاستىڭ وڭ قاپتالدان اۋەلە بەرگەن پاسىن گولعا ايدىرسا, ەكىنشىسىندە ارگەنتينالىق ەۆەر بانەگيدىڭ اسىرعان دوبىن قاقپانىڭ وڭ جاق توعىزدىعا باسپەن ءدال كوزدەدى.
دە يونگتىڭ ەكىنشى گولىنان ءۇش مينۋت وتكەن سوڭ, «ينتەر» قورعاۋشىسى ديەگو گودين تەپە-تەڭدىكتى قالپىنا كەلتىردى. ۋرۋگۆايلىق تا ايىپ دوبىنان كەيىن گول سوقتى. ال وعان دوپتى ادەم جەتكىزگەن حورۆات مارتسەللو بروزوۆيچ ەدى.
ال ەكىنشى تايمدا «سەۆيليانىڭ» جەڭىستى گولىن سوعۋعا «ينتەر» شابۋىلشىسى لۋكاكۋ «كومەكتەستى». 74-ءشى مينۋتتا بانەگانىڭ وڭ قاپتالعان اۋەلەتە اسىرعان دوبىنا ديەگو كارلوس ءبىرىنشى بولىپ جەتكەن ەدى. ول شالقالاي تەپكەن دوپ قورعاۋشىلارعا كومەككە كەلگەن لۋكاكۋدىڭ اياعىنا ءتيىپ كەتتى دە, ءوز قاقپاسىنا گول سوعىپ الدى. ءدال وسى سوعىلعان گول «سەۆيلياعا» جەڭىس الىپ كەلدى.
سونىمەن «سەۆيليا» ەۋروپا ليگاسىن التىنشى رەت جەڭىپ الدى. بۇعان دەيىن يسپان كلۋبى ەۋروپا ليگاسى كۋبوگىن 2006, 2007, 2014, 2015 جانە 2016 جىلدارى جەڭگەن ەدى. سونداي-اق اتالعان ۇجىم فينالدا جەڭىلىس تاپقان جوق. اندالۋسيالىقتاردىڭ باس جاتتىقتىرۋشىسى حۋلەن لوپەتەگي بۇرىن كلۋب دەڭگەيىندە ەشقانداي كۋبوكتى جەڭىپ الماپتى.
ەۋروپا ليگاسى
فينال
«سەۆيليا» (يسپانيا) – «ينتەر» (ميلان, يتاليا) – 3:2 (2:2)
گولدار: لۋكاكۋ, 5 (پەنالتيدەن) – 0:1; دە يونگ, 12 – 1:1; دە يونگ, 33 – 2:1; گودين, 35 – 2:2; ديەگو لۋكاكۋ ء(وز قاقپاسىنا), 74 – 3:2.
دوپتى يەلىك ەتۋ – 47% – 53%; سوققى – 14:9; ءدال سوققى – 5:4; بۇرىشتاما – 1:2; وفسايد – 0:2; سارى قاعاز – 2:4; ويىنشى الماستىرۋ – 4:4.
«سەۆيليا»: بۋنۋ, حەسۋس ناۆاس, كۋندە, ديەگو كارلوس (گۋدەل, 86), رەگيلون, دجوردان, فەرناندو, بانەگا, وكامپوس (مۋنير, 71), دە يونگ (ەن-نەسەري, 85), سۋسو (فرانكو ۆاسكەس, 78).
«ينتەر»: حاندانوۆيچ, گودين (كاندرەۆا, 90), دە ۆرەي, باستوني, د ' امبروزيو (الەكسيس سانچەس, 78), بارەللا, بروزوۆيچ, گالارديني (ەريكسەن, 78), يانگ, لۋكاكۋ, لاۋتارو مارتينەس (موزەس, 78).
ەسكەرتۋ: ديەگو كارلوس, 4, بانەگا, 45-بارەللا, 41, باستوني, 55, گالارديني, 73.
باس تورەشى: ماككەلي (نيدەرلاند).
كەلن. "رەين ەنەرگي". گەرمانيا
