ويىن الدىندا «ينتەردىڭ» باس جاتتىقتىرۋشىسى انتونيو كونتە بىلاي دەيدى: «جەڭىسكە جەتۋ ءۇشىن اسا ءبىر قۇشتارلىقپەن ويناۋ كەرەك جانە كۋبوكتى يتالياعا قايتارۋ كەرەك. ەگەر ءبىز مىقتى بولساق, وندا كۋبوكتى جەڭەمىز. ەگەر جىگەرلىلىك تانىتپاساق, وندا قارسىلاسىمىزدى قۇتتىقتاۋعا تۋرا كەلەدى».
فينالعا دەيىن «ينتەر» الدىمەن چەمپيوندار ليگاسىندا سىنعا ءتۇسىپ ءوز توبىندا ءۇشىنشى ورىن الدى. ال ەۋروپا ليگاسىندا «لۋدوگورەتس», «حەتافە», «بايەر» جانە «شاحتەردى» جارىستان شىعاردى.
سوڭعى 15 جىلدا ەۋروپا ليگاسىنىڭ كۋبوگىن بەس مارتە جەڭىپ العان «سەۆيليانى» بۇل تۋرنيردە باستى فوۆوريتتەردىڭ ءبىرى ەكەنىن ايتتىق. الايدا فينالعا وڭاي كوماندا شىقپايتىنىن ەسكەرۋ كەرەك.
ءبىر قىزىعى, بۇعان دەيىن «سەۆيليا» ەۋروپا ليگاسىنىڭ جارتىلاي فينالىندا بەس رەت ويناپ, بارلىعىندا دا فينالعا شىققان جانە بارلىعىندا دا جەڭىسكە جەتكەن. ەندى مىنە, قاتارىنان 20 ماتچتا جەڭىلمەگەن «سەۆيليا» التىنشى مارتە ەۋروپا ليگاسىنىڭ فينالىنا شىعىپ وتىر.
يۋلەن لوپەتەگي, «سەۆيليانىڭ» باس جاتتىقتىرۋشىسى: «شەبەر ويىنشىلارى مەن جاتتىقتىرۋشىنىڭ ۇلكەن تاجىريبەسىن ەسكەرەر بولساق, «ينتەر» چەمپيوندار ليگاسىندا ويناۋعا لايىق كوماندا. سوندىقتان ءبىز الاڭنىڭ بارلىق قاپتالىندا مەيلىنشە جاقسى ويىن كورسەتۋىمىز كەرەك. «ينتەرگە» قارسى تۇرۋ ءبىز ءۇشىن وتە قيىن».
نەگىزگى قۇرامعا مىنالار شىعۋى مۇمكىن:
«سەۆيليا»: - بۋنۋ; ناۆاس, ديەگو كارلوس, كۋندە, رەگيلون; بانەگا, فەرناندو, حوردان; سۋسو, ەن-نەسيري, وكامپوس
«ينتەر» - حاندانوۆيچ; گودين, دە ۆرەي, باستوني; د'امبروزيو, بارەللا, بروزوۆيچ, گاليارديني, يانگ; مارتينەس, لۋكاكۋ
«سەۆيليا» (يسپانيا)
ۋەفا رەيتينگىندە: 8-ورىن
چەمپيوناتتاعى ورىن: 4 (سوڭعى ماتچ: 19 شىلدەدە ءوتتى)
فينالعا قالاي شىقتى: ا توبىندا ءبىرىنشى ورىن, چفر-مەن (1/16) 1:1, «رومامەن» (1/8) 2:0, «ۆۋلۆەرحەمپتونمەن» (1/4) 1:0, "مانچەستەر يۋنايتەدپەن" (1/2) 2:1.
ەۋروپا ليگاسىن 5 دۇركىن جەڭىمپازى: (2005/06, 2006/07, 2013/14, 2014/15, 2015/16)
سوڭعى رەت 2015/16 ماۋسىمدا فينالدا «ليۆەرپۋلدى» جەڭدى.
«ينتەر» (يتاليا)
ۋەفا رەيتينگىندە: 33-ورىن
چەمپيوناتتاعى ورىن: 2-ءشى (سوڭعى ماتچ: 1 تامىزدا ءوتتى)
فينالعا قالاي شىقتى: چەمپيوندار ليگاسىنىڭ توپتىق كەزەڭىنەن 3-ورىن, 4:1 «لۋدوگورەتسپەن» (1/16), 2:0 «حەتافەمەن» (1/8), 2:1 «بايەرمەن» (1/4), 5:0 «شاحتەرمەن» (1/2).
ەۋروپا ليگاسىنىڭ 3 دۇركىن جەڭىمپازى (1990/91, 1993/94, 1997/98)
