بۇل جايىندا ەنەرگەتيكالىق قاۋىپسىزدىك ماسەلەلەرىنە ارنالعان WEC-2013 22-ءشى بۇكىلالەمدىك ەنەرگەتيكالىق كونگرەستىڭ جۇمىسىنا قاتىسۋ ماقساتىندا جۇزەگە اسىرىلعان قازاقستاندىق دەلەگاتسيانىڭ وڭتۇستىك كورەياعا ساپارى اياسىندا كەلىسىلگەن بولاتىن.
بۇل جايىندا ەنەرگەتيكالىق قاۋىپسىزدىك ماسەلەلەرىنە ارنالعان WEC-2013 22-ءشى بۇكىلالەمدىك ەنەرگەتيكالىق كونگرەستىڭ جۇمىسىنا قاتىسۋ ماقساتىندا جۇزەگە اسىرىلعان قازاقستاندىق دەلەگاتسيانىڭ وڭتۇستىك كورەياعا ساپارى اياسىندا كەلىسىلگەن بولاتىن.
قازاقستان ەنەرگەتيكتەرى دەلەگاتسياسىنىڭ قۇرامىندا «سامۇرىق-قازىنا» اق, «KEGOC» اق جانە KAZENERGY قاۋىمداستىعىنىڭ وكىلدەرى بار.
ەنەرگيا قاۋىپسىزدىگى ماسەلەلەرىن تالقىلاۋ ءۇشىن الەمنىڭ 100-دەن استام ەلىنەن كەلگەن الەمدىك ەنەرگەتيكا سالاسىنىڭ 6 مىڭعا جۋىق جەتەكشى وكىلى جينالدى. كونگرەسكە قاتىسۋشىلار الەمدىك جانە ايماقتىق ەنەرگەتيكانى دامىتۋ, كومىر جانە اتوم ەنەرگەتيكاسى مەن ەنەرگيا تيىمدىلىگىن دامىتۋ ماسەلەلەرىن تالقىلادى.
ءىس-شارا اياسىندا ەۋروپالىق ەنەرگەتيكانى دامىتۋ ماسەلەلەرى جونىندەگى ايماقتىق وتىرىستا ەۋروپالىق اسا ءىرى 10 ەنەرگەتيكالىق كومپانيانىڭ جەتەكشىلەرى «ەۋرووداق ەنەرگەتيكالىق ساياساتىنىڭ باعىتىن وزگەرتۋگە شاقىرۋ» اتتى ۇندەۋى بارشاعا جاريا ەتىلدى. اتالعان قۇجاتتا كوممۋنالدىق شوتتاردىڭ كوتەرىلۋىنەن, ەلەكترمەن قامتاماسىز ەتۋگە سەنىمدىلىكتىڭ ازايۋىنان جانە كومىرسۋتەگى شىعارىلىمىنىڭ ارتۋىنان قولدانىستاعى ەۋرووداق ەنەرگەتيكالىق ساياساتتىڭ تۇبەگەيلى قۇلدىراۋىنا ەرەكشە نازار اۋداردى. بۇگىنگى كۇنى بەلگيادا, چەحيادا جانە پورتۋگاليادا ورناتىلعان بۇكىل قۋاتپەن بارا-بار بولاتىن 51 گيگاۆاتت زاماناۋي ەلەكتر قۋاتى كونسەرۆاتسيالانۋىنا بايلانىستى ەلەكترمەن قامتاماسىز ەتۋدىڭ سەنىمدىلىگىنە ۇلكەن قاتەر ءتونىپ تۇر.
ەنەرگەتيكالىق كومپانيالاردىڭ باسشىلارى «بۇرىنعى الەمدىك تارتىپتەن» باس تارتقانىنا ەرەكشە نازار اۋدارىپ, تۇتىنۋشىلاردى قورعاۋ ماقساتىندا ۇيلەستىرىلگەن جۇمىس ىستەۋ قابىلەتى جوعارى جانە جەڭىلدەتىلگەن جۇيەنى قولدايتىنى تۋرالى باياندادى.
اتالعان بۇل باستاما ورىن العان جاعدايدى تۇزەتۋ بويىنشا – قايتا جاڭارتىلاتىن ەنەرگيا كوزدەرىن تەك نارىق جاعدايىندا عانا قولدانىسقا ەنگىزۋ جانە دەمەۋ, قارجىدان باس تارتۋ, جاڭا قۇرىلىسقا قاراجات بولگەننىڭ ورنىنا قولدانىستاعى باسەكەگە جارامدى قۋاتتاردى پايدالانۋ, سونداي-اق, ەۋرووداقتا كومىرتەگى نارىعىن نىعايتۋعا ناقتى شارالار ۇسىنادى.
سونىمەن قاتار, كورەيالىق ارىپتەستەرمەن قول جەتكىزگەن كەلىسىمدەر تىزىمىنە تاعى دا ءبىر ماڭىزدى تارماق ەنگىزىلگەنىن دە ايتا كەتۋ ورىندى. ول – 2014 جىلى استانا ەكونوميكالىق فورۋمىنىڭ اياسىندا الەمدىك ەنەرگەتيكا جەتەكشىلەرىنىڭ ءسامميتىن ءوتكىزۋ. بۇل تۋرالى بۇكىلالەمدىك ەنەرگەتيكالىق كەڭەستىڭ باس حاتشىسى كريستوف فراي مىرزا مەن قازاقستاندىق دەلەگاتسيانىڭ جەتەكشىسى «سامۇرىق-ەنەرگو» اق باسقارما توراعاسى, وسى كەڭەستىڭ قازاقستاندىق كوميتەتىنىڭ ءتوراعاسى الماسادام ساتقاليەۆ ءتيىستى كەلىسىم جاسادى.
– ءبىز ءۇشىن بۇل قوسىمشا جاۋاپكەرشىلىك. سوندىقتان دا ءبىز ءسامميتتى ۇيىمداستىرۋعا ءتيىسپىز جانە ونى اسا جوعارى دەڭگەيدە وتكىزۋىمىز كەرەك, – دەپ مالىمدەدى «سامۇرىق-ەنەرگو» باسشىسى.
جالپى العاندا, قازاقستان مەن كورەيانىڭ مەملەكەتتىك جانە بيزنەس-قۇرىلىمدارىنىڭ ءوزارا ءىس-ارەكەت جاساۋىنىڭ جوعارى دەڭگەيى ەكى ەلدىڭ قازىرگى كەزدەگى دامۋ ساتىسىنىڭ ستراتەگيالىق ىنتىماقتاستىق اۋقىمىمەن دالەلدەنەدى. بۇل تۋرالى قازاقستاندىق تاراپتىڭ اتىنان «سامۇرىق-ەنەرگو» اق باسقارما توراعاسى الماسادام ساتقاليەۆتىڭ توراعالىعىمەن 18 قازاندا وتكەن قازاقستان-كورەيا ىسكەرلىك كەڭەسىنىڭ ءتورتىنشى وتىرىسىنا قاتىسقان ماماندار دا ءسوز قوزعادى.
ەكى ەلدىڭ 140-تان استام ىسكەر وكىلدەرىنىڭ قاتىسۋىمەن وتكەن فورۋمنىڭ جۇمىسى كەزىندە تاراپتار ءوزارا ءتيىمدى ىنتىماقتاستىقتى دامىتۋ بولاشاعىن, ءارتۇرلى سالاداعى بىرلەسكەن جوبالاردى ىسكە اسىرۋ ماسەلەلەرىن, سونىڭ ىشىندە ەنەرگەتيكانى, ەنەرگيانىڭ قايتا جاڭارتىلاتىن كوزدەرىن, تەمىرجول كولىگىن, تەحنولوگيالار مەن يننوۆاتسيالاردى, ەنەرگيا تيىمدىلىگىن, قارجىلىق سالانى, اۋىلشارۋاشىلىق, مەديتسينا, لوگيستيكا, ماشينا, قۇرال-جابدىق جاساۋ سالاسىن, مۇناي مەن گاز-حيميا سالالارىن جانە مادەني ىنتىماقتاستىق ورناتۋ مەن ماماندار دايىنداۋ ماسەلەلەرىن تالقىلادى.
اتاپ ايتقاندا, «سامۇرىق-قازىنا» ۇاق» اق كومپانيالار توبىنىڭ باسشىلارىن Samsung ادام رەسۋرستارىن دامىتۋ ورتالىعىندا وقىتۋ تۋرالى كەلىسىمگە قول جەتكىزىلدى.
قازاقستان دەلەگاتسياسىنىڭ قۇرامىندا «سامۇرىق-قازىنا» ۇاق» اق حولدينگىنە كىرەتىن, اتاپ ايتقاندا «قازاقستان تەمىر جولى» اق, «KEGOC» اق, «قازاقتەلەكوم» اق, «ەير استانا» اق, «سامۇرىق-قازىنا ينۆەست» اق, «سق-فارماتسيا» جشس, «سامۇرىق-ەنەرگو» اق كومپانيالارى دا بار. سونىمەن قاتار, فورۋمعا قازاقستان ەكونوميكاسىنىڭ جەكەمەنشىك سەكتورىنىڭ, دامۋ ينستيتۋتتارى مەن مەملەكەتتىك ورگانداردىڭ وكىلدەرى دە قاتىستى.
ىسكەرلىك كەڭەستىڭ اياسىندا بالقاش جەس قۇرىلىسىن ودان ءارى بەلسەندىرە ءتۇسۋ قاجەتتىلىگى تۋرالى كەلىسسوزدەر جۇرگىزىلدى. 2013 جىلعى 10 قازاندا وتكەن قازاقستان رەسپۋبليكاسى پارلامەنتى سەناتىنىڭ كەڭەيتىلگەن پلەنارلىق وتىرىسىندا بالقاش جىلۋ ەلەكتر ستانساسىنىڭ قۇرىلىسى جوباسى بويىنشا ۇكىمەتارالىق كەلىسىمگە حاتتامانى راتيفيكاتسيالاۋ تۋرالى قازاقستان رەسپۋبليكاسى زاڭىنىڭ جوباسى ماقۇلدانعانى بەلگىلى. ال مەملەكەت باسشىسى اتالعان ماسەلە بويىنشا بىرقاتار ناقتى تاپسىرمالار دا بەردى.
بۇگىنگى كۇنى قازاقستاندا كورەيا كاپيتالىنىڭ قاتىسۋىمەن 300-دەن استام بىرلەسكەن كاسىپورىن جۇمىس ىستەيتىنىن ەسكە تۇسىرە كەتەيىك. ءبىزدىڭ مەملەكەتتەرىمىز اراسىنداعى تاۋار اينالىمى 1 ميلليارد اقش دوللارىنان اسىپ جىعىلادى, ال كورەيا ينۆەستورلارىنىڭ قازاقستان ەكونوميكاسىنا سالعان ينۆەستيتسياسىنىڭ جالپى كولەمى قازىرگى كەزدە 8 ميلليارد دوللاردان ارتىق بولىپ وتىر.
دينارا اروۆا.
