بۇگىنگى تاڭدا مينيسترلىك مەملەكەتتىك ساتىپ الۋ مەن كۆازيمەملەكەتتىك سەكتوردىڭ ساتىپ الۋلارىنداعى جەرگىلىكتى قامتۋ ۇلەسىن ۇلعايتۋ ماقساتىندا ارنايى جۇمىس توبىن قۇردى. وسىلايشا جەرگىلىكتى اتقارۋشى ورگاندار مەن "سامۇرىق-قازىنا" اق ۇسىنعان ساتىپ الۋلار بويىنشا ەسەپتەرگە اي سايىن تالداۋ جۇرگىزىلەدى. بۇل تالداۋ مىناداي سالالاردى قامتيدى: جەڭىل, حيميا جانە تاماق ونەركاسىبى, ماشينا جاساۋ, قۇرىلىس ماتەريالدارى مەن جيھاز ءوندىرىسى.
سونىمەن قاتار يمپورتتى الماستىرۋ باعىتىندا وڭدەۋشى ونەركاسىپ نارىعىنا تالداۋ جۇرگىزىلدى. قازىرگى ۋاقىتتا وڭدەۋشى ونەركاسىپتىڭ الەۋەتى 35 ملرد. اقش دوللارىن قۇرايدى. سالالار بويىنشا يمپورت كورسەتكىشى:
ماشينا جاساۋ-16,7 ملرد اقش دوللارى,
مەتاللۋرگيا - 3 ملرد اقش دوللارى,
حيميا ونەركاسىبى - 2,8 ملرد اقش دوللارى,
جەڭىل ونەركاسىپ-1,7 ملرد اقش دوللارى,
فارماتسەۆتيكا ونەركاسىبىندە-1,1 ملرد اقش دوللارى.
اتالعان سالالارداعى جەرگىلىكتى قامتۋ ۇلەسىن ۇلعايتۋ ماقساتىندا 2020-2025 جىلدارعا باسىمدىق بەرىلەتىن ينۆەستيتسيالىق جوبالاردىڭ ءتىزىمى جاسالدى. وسىعان بايلانىستى, 73 جوبانى ىسكە اسىرۋ ەسەبىنەن 2025 جىلعا قاراي وڭدەۋ ونەركاسىبىنىڭ يمپورتىن 20% - عا قىسقارتۋ جوسپارلانعان (6 ملرد. اقش دوللارىنا).
بۇدان بولەك, مەملەكەتتىك ساتىپ الۋدىڭ ارنايى ءتارتىبى شەڭبەرىندە باعا ۇسىنىستارىن سۇراتۋ تاسىلىمەن مەملەكەتتىك ساتىپ الۋدى جۇزەگە اسىرۋ ءۇشىن وتاندىق تاۋار وندىرۋشىلەردىڭ تىزبەسى بەكىتىلدى.
تىزبە قولدانىستاعى CT-KZ سەرتيفيكاتتارى جانە يندۋستريالىق سەرتيفيكاتتار نەگىزىندە قالىپتاستىرىلادى. بۇل رەتتە تىزبە "اتامەكەن" قر ۇلتتىق كاسىپكەرلەر پالاتاسىمەن بىرلەسىپ كۇندەلىكتى نەگىزدە وزەكتەندىرىلەدى.
"اتامەكەن" ۇكپ ۇسىنعان اقپاراتقا سايكەس, اعىمداعى جىلدىڭ 13 تامىزىنداعى جاعداي بويىنشا 2920 كومپانيانىڭ 10077 تاۋار پوزيتسياسى بويىنشا راستالعان سەرتيفيكاتتارى (CT-KZ جانە يندۋستريالىق سەرتيفيكات) بار.
ايتا كەتۋ كەرەك, 2019 جىلدىڭ قورىتىندىسى بويىنشا رەتتەلەتىن ساتىپ الۋلارداعى جەرگىلىكتى قامتۋ قازاقستان رەسپۋبليكاسى دسۇ-نا كىرگەن ساتتەن باستاپ وڭ سەرپىنگە يە. ماسەلەن, وتكەن جىلى 2018 جىلمەن سالىستىرعاندا جەرگىلىكتى قامتۋ ۇلەسى تاۋارلار بويىنشا اقشالاي ماندە 0,4% - عا 519,8 ملرد تەڭگەگە ۇلعايدى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
