شاراعا پرەزيدەنتتىڭ كومەكشىسى – قر قاۋىپسىزدىك كەڭەسىنىڭ حاتشىسى اسەت يسەكەشەۆ جانە 300-گە جۋىق مامان – مەنتورلار مەن وزگەرىستەر مەنەدجەرلەرىنىڭ كوماندالارى قاتىستى, ولاردىڭ كوشباسشىلارى 11 سالالىق مەملەكەتتىك ساياساتتا: ءبىلىم بەرۋدە, گەولوگيالىق بارلاۋدا, ساۋدا جانە لوگيستيكادا, ونەركاسىپتە, ونىڭ ىشىندە جاڭا يندۋستريادا, قۇرىلىستا, وڭىرلىك دامۋدا, دەنساۋلىق ساقتاۋدا, مەديا سالاسىندا, اۋىل شارۋاشىلىعىندا, تۋريزم مەن سۋ رەسۋرستارى سالاسىندا 37 ناقتى مىندەتتى شەشۋ ءۇشىن قاجەتتى جاڭا تاسىلدەر مەن يدەيالاردى تانىستىردى.
پرەمەر-مينيستر باعدارلاما قاتىسۋشىلارىن ىرىكتەۋدىڭ ۇكىمەتتىڭ ورتاشا مەرزىمدىك پەرسپەكتيۆاعا جۇمىسىنىڭ: ۇلتتىق ەكونوميكانىڭ ءوزىن-ءوزى قامتاماسىز ەتۋىن ارتتىرۋ, قازاقستاننىڭ ايماقتىق ازىق-ت ۇلىك حابى رەتىندە قالىپتاسۋى, ساپالى ينۆەستيتسيالاردى تارتۋ ءۇشىن جاڭا تاسىلدەردى ازىرلەۋ, كۇشتى كاسىپكەرلىك كلاسىن قۇرۋ, قازاقستاندىق ەكسپورتتى قارقىندى ىلگەرىلەتۋ, جەدەلدەتىلگەن تسيفرلاندىرۋدى قامتاماسىز ەتۋ, ءبىلىم بەرۋ مەن وزىق عىلىمدى دامىتۋ, دەنساۋلىق ساقتاۋ جۇيەسىن نىعايتۋ جانە ينفراقۇرىلىمدى ودان ءارى كەشەندى دامىتۋ بويىنشا نەگىزگى باعىتتارىنا سايكەس جۇرگىزىلگەنىن اتاپ ءوتتى.
ء«بىلىم بەرۋ مەن ادام دامۋىنا ينۆەستيتسيالار سالۋ – تۇراقتى ءارى ۇزاق مەرزىمدى ەكونوميكالىق ءوسىمنىڭ نەگىزگى فاكتورى. ءاربىر تابىستى يدەيانىڭ, پراكتيكانىڭ, رەفورمانىڭ ارتىندا ادام تۇر. سىزدەردىڭ ارقايسىلارىڭىزدىڭ الەۋەتىڭىز, كاسىبي بىلىمدەرىڭىز, ەڭ باستىسى, قازاقستاننىڭ گۇلدەنۋىنە جەكە ۇلەس قوسۋعا دەگەن نيەتتەرىڭىز بار», — دەدى ا. مامين.
ۇكىمەت باسشىسى ۇكىمەت مۇشەلەرىنە وزدەرىنىڭ سالالىق كوماندالارىمەن تۇراقتى جۇمىس كەزدەسۋلەرىن وتكىزۋگە ەرەكشە نازار اۋدارۋدى جانە العا قويىلعان مىندەتتەردى ىسكە اسىرۋعا قاجەتتى جاردەم كورسەتۋدى تاپسىردى.
«ۇسىنىستاردى ناقتىلاپ, ولاردى ەنگىزۋدىڭ ناقتى جوسپارلارىن ازىرلەۋ قاجەت», — دەپ اتاپ ءوتتى ا. مامين.
وزگەرىستەردى باسقارۋ جونىندەگى سالالىق مەنەدجەرلەردى دايارلاۋ باعدارلاماسىنا نۇرسۇلتان نازارباەۆ قورى باستاماشىلىق ەتتى جانە ول قر ۇكىمەتىنىڭ جوبالىق وفيسىمەن بىرلەسىپ ىسكە اسىرىلىپ جاتىر. باعدارلامانىڭ ماقساتى — ەكونوميكانىڭ نەگىزگى سالالارىن ترانسفورماتسيالاۋ ءۇشىن ناقتى ۇسىنىستار ازىرلەۋ. وسى جىلدىڭ باسىندا وتكىزىلگەن كونكۋرستىڭ قورىتىندىسى بويىنشا 2 958 ۇمىتكەردىڭ ىشىنەن ۇلكەن پراكتيكالىق جۇمىس تاجىريبەسى بار, ونىڭ ىشىندە جەتەكشى ۇلتتىق جانە شەتەلدىك ۇيىمداردا ەڭبەك ەتكەن 230 ساراپشى ىرىكتەلىپ الىندى. باعدارلاماعا مەنتورلار رەتىندە قازاقستاننىڭ, اقش-تىڭ جانە ەۋروپا ەلدەرىنىڭ مەملەكەتتىك جانە جەكە سەكتورىنان 50-دەن استام مامان قاتىسادى.
باعدارلاماعا قاتىسۋشىلار سالالىق مىندەتتەردى شەشە وتىرىپ, ەلىمىزدىڭ دامۋىنا ۇلەس قوسىپ قانا قويماي, سونىمەن قاتار ترەنينگتىك جانە كوۋچينگتىك ءىس-شارالاردا وزدەرىنىڭ سالالىق ءارى كوشباسشىلىق بىلىكتىلىكتەرىن شىڭدايدى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
