ەسىرتكى قىلمىسىنا قارسى ءىس-قيمىل دەپارتامەنتىنىڭ ءموبيلدى توبى جانە ءىىم-ءنىڭ ارنايى بولىنىستەرى قاراعاندى جانە قىزىلوردا وبلىستارىنىڭ شەكارالارىن تىكۇشاقپەن بارلاۋ كەزىندە, قىزىلوردا قالاسىنان 320 كم قاشىقتىقتا قاراسورانى قولدان ءوسىرۋ پلانتاتسياسى القابىن, سۋارۋ ءۇشىن باسسەين مەن اگروقۇرالداردى ساقتاۋ مەن سول جەردە تۇرۋعا ارنالعان جەر استى ۇڭگىرلەرىن انىقتادى. القاپقا جاقىن ۇشىپ بارۋ كەزىندە جالعان مەملەكەتتىك تىركەۋ نومىرلەرى تاعىلعان ەكى "تويوتا لاند كرۋزەر" جول تالعامايتىن كولىكتەرىن بايقادى. ولار كولىكتە جوعارى جىلدامدىقپەن باسقارىپ جاسىرىنباقشى بولدى. پوليتسيا قىزمەتكەرلەرىنىڭ توقتاتۋ تالاپتارىن تىڭدامادى.
اۆتوكولىكتىڭ سوڭىنا تۇسكەن قىزمەتكەرلەر ولاردى توقتاتۋ ءۇشىن ەسكەرتۋ وعىن اتتى جانە بىرنەشە رەت كولىكتىڭ دوڭگەلەكتەرىنە وق اتىلدى. دوڭگەلەكتەرىنە زاقىم كەلگەن سوڭ عانا ەكى كولىك قوزعالىسىن توقتاتتى.
پوليتسيا قىزمەتكەرلەرى ءۇش جەرگىلىكتى تۇرعىندى ۇستادى. ولاردى ۇستاۋ كەزىندە بىرەۋى جاراقات الدى. وعان العاشقى مەديتسينالىق كومەك كورسەتىلدى جانە مەديتسينالىق مەكەمەگە جەتكىزىلدى. ونىڭ ومىرىنە قازىرگى ۋاقىتتا ەش قاۋىپ ءتونىپ تۇرعان جوق.
اتالعان جەردە قىزىلوردا وبلىسىنىڭ پوليتسيا دەپارتامەنتىنىڭ جەدەل-تەرگەۋ توبى جۇمىس ىستەپ جاتىر.
1 ماۋسىمنان باستاپ 30 قازانعا دەيىن جىل سايىنعى رەسپۋبليكالىق "قاراسورا" ارنايى وپەراتسياسى وتكىزىلىپ جاتقانىن ەستەرىڭىزگە سالامىز, وسى وپەراتسيانىڭ شەڭبەرىندە ىشكى ىستەر ورگاندارى قۇرامىندا ەسىرتكى بار وسىمدىكتەردىڭ زاڭسىز وسىرىلگەن القاپتارىن انىقتاۋ ءۇشىن تىكۇشاقتى پايدالانىپ, جوعارى جىلدامدىقتاعى اۆتوكولىكتەرى بار موبيلدىك توپتاردى جۇمىلدىرۋدا. وپەراتسيا باستالعالى بارلىعى 430 ەسىرتكى قىلمىسى انىقتالدى, ونىڭ ىشىندە 178 فاكت – قۇرامىندا ەسىرتكى بار وسىمدىكتەردى زاڭسىز ءوسىرۋ, 153 وتكىزۋ فاكتىسىن, 83 ساقتاۋ فاكتىسىن جانە ەسىرتكى كونترابانداسىنىڭ بەس فاكتىسىن انىقتالدى. زاڭسىز اينالىمنان جالپى توعىز توننا ەسىرتكى الىندى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
