ەرنار قۇرماشەۆ 2019 جىلدىڭ قىركۇيەگىنەن باستاپ الماتى مادەنيەت باسقارماسىنىڭ باسشىسى قىزمەتىن اتقاردى. ول مەگاپوليستىڭ كرەاتيۆتى ەكونوميكاسىن دامىتۋ ستراتەگياسىن ازىرلەۋگە جانە ەنگىزۋگە جاۋاپ بەرگەن ەدى.
"مەنىڭ ويىمشا, قازاقستاندىق كينەماتوگرافيا مەن انيماتسيانىڭ بولاشاعى زور. ولار لوكوموتيۆ رەتىندە بۇكىل ەلدىڭ كرەاتيۆتى ەكونوميكاسىن جىلجىتاتىن نەگىزگى سالالار. كينو ادەبيەت, كەسكىندەمە, مۋزىكا, ءسان, زاماناۋي, اتقارۋشى جانە قولونەر سياقتى شىعارماشىلىق سالالاردى بىرىكتىرەدى. وتاندىق كينو جانە انيماتسيالىق يندۋستريالاردىڭ دامۋى ءىت-سالاسىنا دا وڭ اسەرىن تيگىزۋدە. مەن وتاندىق كورەرمەندەرگە دە, شەتەلدە دە قىزىقتى بولاتىن ساپالى, قىزىقتى جوبالار جاساۋ ءۇشىن ءوزىمنىڭ بارلىق تاجىريبەم مەن قۇزىرەتتىلىكتەرىمدى قولدانعىم كەلەدى", - دەدى ەرنار قۇرماشەۆ.
ەرنار قۇرماشەۆ 1984 جىلى 18 جەلتوقساندا دۇنيەگە كەلگەن. ساتباەۆ اتىنداعى قازۇتۋ-دى ءبىتىرىپ, New York Film Academy-دا تاعىلىمدامادان وتكەن.
ايتا كەتەيىك, ۇلتتىق كينونى قولداۋ مەملەكەتتىك ورتالىعى 2019 جىلدىڭ 15 ناۋرىزىندا قۇرىلدى. ونىڭ نەگىزگى مىندەتتەرى - ۇلتتىق مۇددەلەرگە سايكەس كەلەتىن كينوجوبالاردى قارجىلاندىرۋ جانە مونيتورينگىلەۋ, وتاندىق كينەماتوگرافيانى قولداۋ, ونىڭ باسەكەگە قابىلەتتىلىگىن ارتتىرۋ, كينو سالاسىنا ينۆەستيتسيالار تارتۋ.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
