قۇربان ايت مەرەكەسىن ەلىمىز جاقىندا عانا اتاپ ءوتتى. ايت كۇندەرى جۇرتشىلىق ءبىرىن-ءبىرى شايعا شاقىرىسىپ, داستارقان ۇستىندە دە يماندىلىق, ادامگەرشىلىك جايىندا ۇلاعاتتى اڭگىمەلەر جانە اقجارما تىلەكتەر ايتىلدى. اق ءدىنىمىزدىڭ دە, مەملەكەتتىك مەرەكەمىزدىڭ دە ماقساتى ادامداردىڭ رۋحاني جۇتاماۋى, بىرلىك-بەرەكەنىڭ ساقتالۋى ەمەس پە؟! الايدا, ءبىرازدان بەرى بايقاپ جۇرگەنىمىزدەي, كەيبىر كورنەكى كۇنتىزبەلەردە قۇربان ايت مەرەكەسى بەلگىلەنبەيدى. جىلدىڭ باسىندا جەرگىلىكتى ورىس ءتىلدى گازەت وقىرماندارعا ءبىر بەتكە جايىپ جىلدىڭ كۇنتىزبەسىن ۇسىنعاندا, ودان مەملەكەتتىك مەرەكەلەر قاتارىندا روجدەستۆونى كورىپ, قۇربان ايتتى كوزىمىز شالماعان ەدى.
قۇربان ايت مەرەكەسىن ەلىمىز جاقىندا عانا اتاپ ءوتتى. ايت كۇندەرى جۇرتشىلىق ءبىرىن-ءبىرى شايعا شاقىرىسىپ, داستارقان ۇستىندە دە يماندىلىق, ادامگەرشىلىك جايىندا ۇلاعاتتى اڭگىمەلەر جانە اقجارما تىلەكتەر ايتىلدى. اق ءدىنىمىزدىڭ دە, مەملەكەتتىك مەرەكەمىزدىڭ دە ماقساتى ادامداردىڭ رۋحاني جۇتاماۋى, بىرلىك-بەرەكەنىڭ ساقتالۋى ەمەس پە؟! الايدا, ءبىرازدان بەرى بايقاپ جۇرگەنىمىزدەي, كەيبىر كورنەكى كۇنتىزبەلەردە قۇربان ايت مەرەكەسى بەلگىلەنبەيدى. جىلدىڭ باسىندا جەرگىلىكتى ورىس ءتىلدى گازەت وقىرماندارعا ءبىر بەتكە جايىپ جىلدىڭ كۇنتىزبەسىن ۇسىنعاندا, ودان مەملەكەتتىك مەرەكەلەر قاتارىندا روجدەستۆونى كورىپ, قۇربان ايتتى كوزىمىز شالماعان ەدى.
قازىر جىل اياقتالماي-اق, الداعى 2014 جىلدىڭ كۇنتىزبەلەرى دۇكەندەرگە تۇسە باستادى. جاقىندا قوستاناي قالاسىنداعى دۇكەندەردىڭ بىرىنەن وسىنداي كۇنتىزبەلەرگە كوزىمىز ءتۇستى. قاعازىندا ءمىن جوق –جالتىراپ تۇر, بەزەندىرىلۋى جايلى تاعى ەشتەڭە ايتا المايسىڭ. بۇل كۇنتىزبەنى الماتى قالاسىنداعى ARTCARD باسپاحاناسى شىعارىپتى. الايدا, مۇندا دا قازاقستان رەسپۋبليكاسىنداعى مەملەكەتتىك مەرەكەلەر قاتارىندا قۇربان ايت قىزىل تۇسپەن بەلگىلەنبەگەن. كۇنتىزبەنىڭ تومەنگى جاعىنا مەملەكەتتىك مەرەكەلەردى بولەك ءتىزىپ جازعاندا دا, قۇربان ايت قالىس قالعان. «ابدۋللا» جەكەمەنشىك كاسىپورنى شىعارعان كۇنتىزبەدە دە 7 قاڭتار روجدەستۆو حريستوۆو مەرەكەسى بار, قۇربان ايت مەرەكەسى جوق. وسى كۇنتىزبەدە مەملەكەتتىك تىلگە قاتىستى ەرەجە دە ساقتالماعان. قازاق تىلىندەگى كۇن اتتارى كۇنتىزبەنىڭ سول جاعىنا ەمەس, وڭ جاعىنا جازىلعان. ءتىل جاناشىرى تولەن رامازان پاۆلودار قالاسىنان وسى كاسىپورىننىڭ شىعارعان تاعى ءبىر كۇنتىزبەسىندەگى كوزگە ۇرىپ تۇرعان قاتەلەردى ايتىپ, تەلەفون شالدى. كۇنتىزبەنى سۋرەتكە ءتۇسىرىپ جىبەرىپتى. وندا دا قۇربان ايت بەلگىلەنبەگەن. تاعى ءبىر مەملەكەتتىك مەرەكەمىز – 7 مامىر – وتان قورعاۋشى كۇنىن بەلگىلەگەنمەن, كۇنتىزبەنىڭ تومەنگى جاعىنا ورنالاستىرعان مەملەكەتتىك مەرەكەلەر تىزىمىنە قوسپاعان. وسى كاسىپورىننىڭ جەتەكشىسى, تەلەفوننىڭ ارعى جاعىنان ءوزىن نۇرلان دەپ تانىستىرعان جىگىت كۇنتىزبەنىڭ ەلۋ ءتۇرىن شىعاراتىنىن ايتتى. جاقىندا ىسساپارمەن ارقالىق قالاسىنا بارعاندا جۇمىس كابينەتتەرىندە ءىلۋلى تۇرعان كورنەكى كۇنتىزبەلەرگە ادەيى نازار سالعانبىز. ءبىر-اق مىسال. «ارقالىق حابارى» قالالىق گازەتىندەگى ارىپتەستەرىمىز كابينەتتەرىندە ىلىنگەن مەملەكەتتىك جيناقتاۋشى زەينەتاقى قورى شىعارعان 2013 جىلدىڭ كۇنتىزبەلەرىندە دە قۇربان ايت كورسەتىلمەگەن. قۇربان ايت كەلەر جىلى 4 قازاندا مەرەكەلەنۋى ءتيىس. ول تەك ARTCARD باسپاحاناسى شىعارعان ءدىني مەرەكەلەر كۇنتىزبەسىندە كورسەتىلگەن. مەملەكەتتىك تىلگە قاتىستى الا-قۇلالىقتان قانداي كۇنتىزبەنى قاراساڭىز دا كوز سۇرىنەدى.
كۇنتىزبە شىعارۋشىلار قۇربان ايت مەرەكەسىن بەلگىلەمەگەنىن ونىڭ جىل سايىن جىلجىپ وتىراتىنىن, بەلگىلى ءبىر كۇندە كەلمەيتىنىن سىلتاۋ ەتەر. الايدا, قازاقستان مۇسىلماندارى ءدىني باسقارماسىنا نەمەسە, جەرگىلىكتى مەشىت يمامدارىنا حابارلاسىپ, ءبىلىپ الۋىنا بولماي ما؟ قۇربان ايت – مەملەكەتتىك رەسمي مەرەكە. سوندىقتان وعان تەك مۇسىلمان جۇرتى عانا ەمەس, ءار قازاقستاندىق قۇرمەتپەن قاراۋى ءتيىس.
جاڭا جىل جاقىنداپ قالدى. ءار كۇنىمىز كۇنتىزبەدەن باستالادى. وعان كۇندە قارايسىز. كۇندە قاتەنى كورگەندە كوڭىل ورتايماي ما؟..
ءنازيرا جارىمبەتوۆا,
«ەگەمەن قازاقستان».
قوستاناي.
