سپورت • 19 تامىز، 2020

فۋتزالدان قازاقستان چەمپيوناتى مەرزىمىنەن بۇرىن اياقتالدى

34 رەت كورسەتىلدى

قازاقستان فۋتبول فەدەراتسياسى اتقارۋ كوميتەتىنىڭ وتىرىسىندا قابىلدانعان شەشىم بويىنشا 2020 جىلدىڭ 12 ناۋرىزىنان بەرى رەسمي ماتچتار وتكەن جوق. وسىلايشا، "قايرات" چەمپيون دەپ تانىلدى، ال "اقتوبە" ەكىنشى ورىن الدى. فۋتزالدان چەمپيوندار ليگاسىندا الماتى مەن اقتوبە كلۋبتارى ونەر كورسەتەدى. بۇل تۋرالى Egemen.kz قازاقستان فۋتبول فەدەراتسياسىنا سىلتەمە جاساپ حابارلايدى.

قفف اتقارۋشى كوميتەتىنىڭ شەشىمى كەلەسى جاعدايلارعا نەگىزدەلەدى:

- سانيتارلىق-ەپيدەميولوگيالىق كارانتين شارالارىنىڭ جالعاسۋى جانە سايكەسىنشە جابىق الاڭداردا سپورتتىق جارىستارعا تىيىم سالۋ سالدارىنان ءتۋرنيردى ودان ءارى وتكىزۋ مۇمكىن ەمەس;

- فۋتزال بويىنشا قازاقستان چەمپيوناتىنىڭ قاتىسۋشىلارى ماتچتاردىڭ 70 پايىزىن ويناعاندىقتان، كەستەدەگى ورىندار سوعان قاراپ بەلگىلەنەدى;

- فۋتزالدان چەمپيوندار ليگاسىنا قاتىسۋ ءۇشىن قازاقستاندىق كلۋبتار تۋرنيرلىك ءوتىنىمدى جەدەل تۇردە جىبەرۋ قاجەت.

"فۋتزالدان ۋەفا چەمپيوندار ليگاسىنىڭ جەرەبەسى جاقىندا وتەدى. وسىلايشا، ءتۋرنيردىڭ قازاقستاندىق قاتىسۋشىلارى ءوتىنىش قۇجاتتارىن قازىر تاپسىرۋى كەرەك. جابىق جارىستارعا ءالى دە قاتاڭ تىيىم سالىنعاندىقتان چەمپيوناتتى اياقتاۋ مۇمكىن ەمەس. سپورت ءپرينتسيپى ۇستەمدىك ەتۋ ءۇشىن، قازاقستان فۋتبول فەدەراتسياسى ۇلتتىق بىرىنشىلىك قاتىسۋشىلارىنىڭ قولداۋىنا جۇگىنىپ، چەمپيوناتتى قازىرگى جاعدايدىڭ ناتيجەلەرى بويىنشا اياقتاپ، ەڭ مىقتى كلۋبتارعا حالىقارالىق ارەناعا قايتادان شىعۋعا مۇمكىندىك بەردى"، - دەدى قازاقستان فۋتبول فەدەراتسياسىنىڭ فۋتزال دەپارتامەنتىنىڭ ديرەكتورى اسقار ابيلداەۆ.

ايتا كەتەيىك، چەمپيوندار ليگاسىنىڭ جەرەبەسى 2020 جىلدىڭ 2 قىركۇيەگىندە وتەدى.

 

قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.

سوڭعى جاڭالىقتار

دوللار قايتا كوتەرىلدى

قارجى • بۇگىن، 16:35

ۇقساس جاڭالىقتار