"ازاماتتارمەن ديالوگ ورناتۋ ارقىلى سىبايلاس جەمقورلىق بەلەڭ الىپ, قوعام نارازىلىعىن تۋعىزىپ جۇرگەن تۇيتكىلدى سالالاردى انىقتاۋعا بولادى. ادامدار بۇرىنعىشا جوعارى وقۋ ورنى, كوللەدج, ءتىپتى, مەكتەپتەردەگى سىبايلاس جەمقورلىقتى ايتىپ, شاعىمدانادى. جەمقورلىق ازاماتتارىمىزدىڭ بويىنا ءسىڭىپ, ءتىپتى, قوعامنىڭ قالىپتى قۇبىلىسىنا اينالىپ كەتۋى مۇمكىن. باستى ماسەلە – وسى. ال, كاسىپكەرلەر جەر كوميتەتى, ورتكە قارسى قىزمەت, سالىق جانە كەدەن ورگاندارىن جەمقورلىق جايلاعان دەپ ەسەپتەيدى. جولدىڭ ساپاسىنا بايلانىستى دا جۇرتشىلىقتىڭ الاڭداۋشىلىعى جوعارى.
سونداي-اق سىبايلاس جەمقورلىققا قارسى ءىس-قيمىل كوميسسياسى ماعان سۋ شارۋاشىلىعى سالاسىندا ايتارلىقتاي تۇيتكىلدەر بار ەكەنىن حابارلادى. مىنە, وسى ماسەلەلەر بويىنشا قوعامدىق باقىلاۋ تەتىگى جۇمىس جاساۋعا ءتيىس", - دەدى قاسىم-جومارت توقاەۆ.
وسى ورايدا پرەزيدەنت بۇل شاراعا ۇكىمەتتىك ەمەس ۇيىمداردى تارتىپ, نورماتيۆتىك-قۇقىقتىق اكتىلەردى ساراپتاۋ ىسىنە قاتىستىرۋ كەرەك ەكەنىن ايتتى.
"Cىبايلاس جەمقورلىققا قارسى ءتيىمدى ءىس-قيمىل, ونىمەن ىمىراسىز كۇرەس قوعامنىڭ وزەكتى ماسەلەسىنىڭ بىرىنە اينالعالى كوپ جىلدىڭ ءجۇزى بولدى. ەلىمىزدىڭ قاۋىپسىزدىگى مەن حالقىمىزدىڭ اماندىعى وسى باعىتتاعى جۇيەلى ءارى تاباندى شارالارعا بايلانىستى. ۇكىمەتكە قاعازباستىلىق پەن بيۋروكراتياعا سالىنباي, سىبايلاس جەمقورلىققا قارسى ءىس-قيمىل اگەنتتىگى بەرگەن ۇسىنىستاردى ءبىر اي مەرزىمدە جان-جاقتى پىسىقتاۋدى تاپسىرامىن. سونىڭ ناتيجەسى بويىنشا ناقتى شارالار كەشەنى جاسالۋعا ءتيىس. نەگىزگى ماقسات – جەمقورلىقتىڭ تامىرىنا بالتا شابۋ, ونى تۇبەگەيلى جويۋ. بۇل جۇمىستى ەش سوزبالاڭعا سالماي, قارقىندى تۇردە جۇرگىزۋ قاجەت", - دەي كەلە مەملەكەت باسشىسى پرەزيدەنت اكىمشىلىگى قولعا الىنعان بارلىق شارالاردى قاتاڭ باقىلاۋعا الىپ, ناتيجەسىن ۇنەمى حابارلاپ وتىرۋى كەرەكتىگىن ايتتى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
