سىبايلاس جەمقورلىققا قارسى قىزمەت سۋ رەسۋرستارى, ەكولوگيالىق رەتتەۋ جانە باقىلاۋ, سونداي-اق ورمان شارۋاشىلىعى مەن جانۋارلار دۇنيەسى كوميتەتتەرىنىڭ قىزمەتىندەگى سىبايلاس جەمقورلىق تاۋەكەلدەرىنە سىرتقى تالداۋ جۇرگىزدى. ء«بىز سىبايلاس جەمقورلىقتىڭ سەبەپتەرى مەن جاعدايلارىن جويۋ بويىنشا ناقتى ۇسىنىستار تىزبەگىن ۇسىندىق. الايدا ولاردى ىسكە اسىرۋدىڭ تابىستىلىعى تەرەڭ, ءارى دەربەس ىشكى تالداۋدى قاجەت ەتەدى. بۇل مەملەكەتتىك ورگاندار ءۇشىن اكسيوماعا اينالۋى ءتيىس. ماسەلەن, اركىم ءوز ولقىلىقتارىن باسقالارعا قاراعاندا جاقسى بىلەدى», دەدى اگەنتتىك توراعاسىنىڭ ءبىرىنشى ورىنباسارى و.بەكتەنوۆ.
سۋ رەسۋرستارى كوميتەتى مەن ونىڭ ۆەدومستۆولىق باعىنىشتى مەكەمەلەرىنىڭ ۇيىمداستىرۋشىلىق-باسقارۋشىلىق قىزمەتىنە ەرەكشە نازار اۋدارىلدى. اتاپ ايتقاندا, سۋ شارۋاشىلىعى, مەملەكەتتىك ساتىپ الۋ, باقىلاۋ فۋنكتسيالارى مەن پەرسونالدى باسقارۋدا بيۋدجەتتىك ينۆەستيتسيالىق جوبالاردى ىسكە اسىرۋ ماسەلەلەرى. ەكولوگيالىق رەتتەۋ جانە باقىلاۋ, ورمان شارۋاشىلىعى جانە جانۋارلار دۇنيەسى كوميتەتتەرىندە تاۋەكەلدەردى تەكسەرۋ ءىس-شارالارى كەزەڭدەرى مەن بىرىڭعاي تاسىلدەردى قامتاماسىز ەتۋدە زياندى وتەۋ جانە بۇزۋشىلىقتاردى جويۋ تۋرالى نۇسقامالار بەلگىلەنگەن.
اگەنتتىك اكىمشىلىك تاجىريبەنى رەتكە كەلتىرۋدى ۇسىندى, ول بۇگىندە تاجىريبەلىك ىسكە اسىرۋداعى ارتۇرلىلىگىمەن سيپاتتالادى, ياعني, بىردەي ارەكەتتەر ءۇشىن ءارتۇرلى سانكتسيالار قولدانىلادى, ال ايىپپۇل كەلتىرىلگەن زالالعا سايكەس كەلمەيدى. ۇسىنىستاردى ىسكە اسىرۋ اياسىندا مينيسترلىك مەملەكەتتىك ەكولوگيالىق باقىلاۋ جۇرگىزۋ ءتارتىبىنىڭ مەرزىمدەرى, زالالدى بەلگىلەۋ جانە ەسەپتەۋ ءتارتىبى, انىقتالعان بۇزۋشىلىقتاردى جويۋعا ۇيعارىم جاساۋ جانە جىبەرۋ بولىگىندە ەرەجەسىن ازىرلەدى.
ەكولوگيا, گەولوگيا جانە تابيعي رەسۋرستار ءمينيسترى م.مىرزاعاليەۆ ۆەدومستۆو قىزمەتكەرلەرىنە ترانسپارەنتتىلىك قاعيداتتارىن ساقتاۋ جانە نورمالاردى تۇسىندىرۋدە كەز كەلگەن ەكىجاقتىلىقتى بولدىرمايتىن ناقتى راسىمدەردى بەلگىلەۋ ارقىلى عانا ەكولوگيا سالاسىنداعى سىبايلاس جەمقورلىققا قارسى ءىس-قيمىلدا ناقتى ناتيجەلەرگە قول جەتكىزۋگە بولاتىنىن اتاپ ءوتتى.
