اتى وشكىر بۇل ىندەت ءار وتباسىعا سالقىنىن تيگىزىپ, قازاقتىڭ قانشاما اياۋلى تۇلعالارىن, سونىڭ ىشىندە ونەر مايتالماندارىن ارامىزدان الىپ كەتتى.
ارداقتى اعايىن, جاقسىلىق پەن جاماندىقتىڭ قاتار جۇرەتىنىن ەسكەرە وتىرىپ, ەلىمىزدە 17 تامىزدان باستاپ كارانتيننىڭ جەڭىلدەتىلگەنىن ءبارىمىز ءتيىمدى پايدالانايىق, قاۋىپسىزدىكتى قاپەردەن شىعارمايىق. ءار شاڭىراق تۋعانىنىڭ اماندىعىن تىلەسە, توي-تومالاقتان, جيىن-كەشتەردەن باس تارتىپ, سابىرلىق تانىتىپ, كەلەر كۇننىڭ جاقسىلىعىنا ءۇمىت ارتايىقشى! ەلدىڭ اماندىعى ەڭ ءبىرىنشى وزىمىزگە كەرەك ەكەنىن ەستەن شىعارماي, ساقتىق شارالارىنا سالعىرت قارامايىق! ويتكەنى قازىر ۇلتتىعىمىزدى, ۇيىمشىلدىعىمىزدى تانىتاتىن تاعدىرشەشتى ساتتە تۇرعانىمىز انىق. ء«ار قازاق – مەنىڭ جالعىزىم!». ءبارىمىز بىرىگىپ, ىندەتتى جەڭەمىز!
سەرىك رىسبەك,
ي.بايزاقوۆ اتىنداعى وبلىستىق فيلارمونيانىڭ ءارتىسى
پاۆلودار
