فورۋمعا قاتىسۋدىڭ باستى ماقساتتارى - ەكسپورتقا قوس ماقساتتى ءونىمدى شىعارۋ بويىنشا ەنشىلەس كومپانيالاردىڭ مۇمكىندىكتەرىن كورسەتۋ, ىنتىماقتاستىق ماسەلەلەرى بويىنشا كەلىسسوزدەر جۇرگىزۋ, ينۆەستيتسيالار مەن زاماناۋي تەحنولوگيالاردى تارتۋ اياسىندا بىرلەسكەن جوبالار قۇرۋ, حالىقارالىق اسكەري-تەحنيكالىق ىنتىماقتاستىقتى دامىتۋ.
اتاپ ايتقاندا, «Tىنىس» زاۋىتى فورۋمنىڭ قازاقستان ستەندىندە اۆياتسيالىق قۇرامداس بولشەكتەردى (كەروسين جىلىتقىش, بەيتاراپ گاز گەنەراتورى, قىسىم قوندىرعىسى), كۇشتىك قۇرىلىمدارعا ارنالعان جەكە قورعانىس قۇرالدارىنىڭ ء(ارتۇرلى سىنىپتاعى بروندى كەۋدەشەلەر, وققا قارسى شلەمدەر, سوققىعا قارسى قورعانىس قالقاندارى) جانە باسقا دا ونىمدەردىڭ تولىق كولەمدى ۇلگىلەرىن كورسەتۋدى جوسپارلاپ وتىر.
«تىنىس» - اۆياتسيالىق قۇرامداس بولشەكتەردى رەسەي فەدەراتسياسىنا ەكسپورتتايتىن قازاقستانداعى جالعىز كاسىپورىن.
سونىمەن قاتار, «س.م. كيروۆ اتىنداعى زاۋىت» اق قورعالعان نوۋتبۋكتەر مەن پلانشەتتەردى, «سەمەي ينجينيرينگ» بروندى ماشينالاردى كۇردەلى جوندەۋ جانە مودەرنيزاتسيالاۋ قىزمەتتەرىن, «سەمەي ماشينا جاساۋ زاۋىتى» موديفيكاتسيالانعان ترانسپورتەر-تراكتوردى جانە ت.ب. ۇسىنۋدى جوسپارلاپ وتىر.
فورۋم اياسىندا قوس ماقساتتاعى ونىمدەرگە ىقتيمال تاپسىرىس بەرۋشىلەرمەن كەلىسسوزدەر جۇرگىزۋ, سونداي-اق پەرسپەكتيۆالىق جوبالار بويىنشا پىكىر الماسۋ جوسپارلانعان.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
