ەجەلدەن استىقتى ءوڭىر ساناتىنداعى زەرەندى اۋدانىنىڭ اگرارشىلارى ۇستىمىزدەگى جىلدىڭ ءبىرىنشى جارتى جىلدىعىن اۋىز تولتىرىپ ايتۋعا لايىقتى ءتاپ-ءتاۋىر تابىستارمەن قورىتىندىلاپ وتىر. اۋىل شارۋاشىلىعى ءونiمiنiڭ جالپى كولەمi 9,5 ميلليارد تەڭگەنi قۇراپ, وتكەن جىلدىڭ سايكەس مەرزىمىمەن سالىستىرعاندا 106,5 پايىزدىق وسىمگە قول جەتكىزدى. جامان تۇماۋمەن جاعالاسا ءجۇرىپ ەل يگىلىگىنە وسىنشا ۇلەس قوسۋ جاپ-جاقسى تابىس دەۋگە ابدەن بولادى.
–كوكتەمگى ەگىس كەزىندە كوڭىل كۇپتى ەدى. ءۇمىت پەن كۇدىك ارباسىپ تۇرعان. الايدا, ديقاندار قاۋىمى ماڭىزدى ناۋقاندا ۇيىمشىلدىق تانىتىپ, اۋىل شارۋاشىلىعى داقىلدارىن ەگۋدi دەر شاعىندا جۇرگiزدi. ديقاندار مەملەكەت تاراپىنان جاسالعان كومەك-قولداۋعا ريزاشىلىعىن بىلدىرۋدە. وسىنىڭ ارقاسىندا, 247,9 مىڭ گەكتاردان استام القاپقا جازدىق ءداندى داقىلدار سەبىلدى. بۇعان قوسا, ءداندi جانە بۇرشاقتى داقىلدار 177,4 مىڭ گەكتار القاپتا ورنالاستىرىلىپ, وتكەن جىلدىڭ كورسەتكىشى ارتىعىمەن ورىندالدى. قازىرگى كۇنى ەكپە شوپتەر, كارتوپ, كوكونىس داقىلدارىنىڭ ءتۇسىمى كوڭىلدەگىدەي,–دەيدى اۋداندىق اۋىل شارۋاشىلىعى ءبولىمىنىڭ باسشىسى سەرىك سابىروۆ.
شىندىعىندا, بيىلعى ەگىن وراعىنىڭ العاشقى اينالىمدارى بىتىك ءونىمنىڭ بەرىك نەگىزى قالانعانىن ايقىندايدى. قولىمىزداعى سوڭعى دەرەكتەرگە سۇيەنسەك, اۋداننىڭ تاڭداۋلى توعىز شارۋاشىلىعى ازىرگە كوش باستاپ تۇرعىنىن بايقايمىز. ماسەلەن, كۇسەپ اۋىلىنداعى س.ايتقوجين باسقاراتىن «ديحان پليۋس» جاۋاپكەرشىلىگى شەكتەۋلى سەرىكتەستىگى 21562 گەكتار ەگىستىككە شالعى سالىپ ۇلگەرگەن. ولار 6723 گەكتار ءداندى جانە 2981 گەكتار مايلى داقىلدارىن باستىرىپ, ءبىرىنشى ورىندا كەلەدى. مۇندا گەكتارىنان 12,5 تسەنتنەردەن التىن ءدان, 6 تسەنتنەردەن بۇرشاق جينالۋدا. سونداي-اق, «ۆيكتوروۆسكي» جشس 179 گەكتار ارپا داقىلىنىڭ ءار اينالىمنان 26,2 تسەنتنەرلىك ۇزدىك كورسەتكىشكە جەتىپ وتىر. ال, س.ەروحين باسقاراتىن «اقجول-2011» سەرىكتەستىگى گەكتار تۇسىمدىلىگىن 18,7 تسەنتنەر, يۋ.گوليمبوۆسكيدىڭ جەتەكشىلىگىندەگى «اگرو 2004» جشس 17,8 تسەنتنەردەن اينالدىرۋدا. بۇل ەكى شارۋاشىلىق تا بۇلاق اۋىلدىق وكرۋگىنىڭ اۋماعىندا ورنالاسقان.
ارينە, بۇل كورسەتكىشتەر ناۋقان بارىسىندا جاقسى قىرىمەن وزگەرىپ وتىراتىنى بەلگىلى. سوعان قاراماستان, ن.ىسقاقوۆ باسقاراتىن «قاراوزەك», ا.ەلماعانوۆتىڭ جەتەكشىلىگىندەگى «ۇماي جەر», س.قوجاعۇلوۆتىڭ «اليانس اگرو ينۆەستى» قاجىرلى ەڭبەكتىڭ ەسەلى قايتارىمىنا يە بولاتىندىعى كورىنىپ قالدى.
اۋدان ەگiنشiلەرi كەلەسى جىلدىڭ مولشىلىعىن قامتاماسىز ەتۋ جۇمىستارىن دا ساباقتاستىرا جۇرگىزۋدە. ولار قازىردىڭ وزىندە 44,3 مىڭ گەكتار القاپتاعى سۇدىگەر جەرلەردi وڭدەپ, 175 مىڭ گەكتار اۋماقتاعى ارامشوپتەرگە, زيانكەستەر مەن اۋرۋلارعا قارسى قورعاۋ iس-شارالارىن ۋاقتىلى اياقتادى.
وبلىستاعى استىقتى وڭىرلەر – جارقايىڭ, جاقسى جانە اتباسار اۋداندارىنىڭ ديقاندارى ەگىندى ىرىكتەپ ورۋدى باستاسا, وزگە وڭىرلەردەگى شارۋاشىلىقتار ەگىننىڭ پىسۋىنە قاراي دايىندىق جۇمىستارىن شيراتا تۇسۋدە. وبلىستىق اۋىل شارۋاشىلىعى باسقارماسىنىڭ مالىمەتىنە قاراعاندا, ديقان قاۋىم بۇل ناۋقانعا تىڭعىلىقتى دايىندىقپەن كەلىپ وتىر. جاڭا استىقتى جيناۋعا كومەك كورسەتىلىپ, شارۋالارعا ارزانداتىلعان جانار-جاعار ماي بەرىلدى. بۇدان بولەك, مەملەكەت تاراپىنان ءداندى داقىلدارمەن اينالىسىپ جاتقان شارۋاشىلىقتارعا 70 ميلليارد تەڭگەگە شاماسىندا سۋبسيديا ءبولىندى. ەندىگى مىندەت وسى ناۋقاندى ۇيىمشىلىقپەن وتكىزۋ.
ناۋقان جاڭا عانا باستالعانىمەن, وبلىستا 52,3 مىڭ گەكتاردىڭ ەگىنى ورىلىپ, 40,6 مىڭ گەكتارى باستىرىلدى. ءار گەكتاردان ورتا ەسەپپەن 9,4 تسەنتنەردەن استىق جينالۋدا. بۇلاندى اۋدانىندا گەكتار بەرەكەسى 14,1 تسەنتنەردەن اينالۋدا. بيىلعى جىلدىڭ اۋا رايىنا قاراعاندا, ءتاپ-ءتاۋىر كورسەتكىش.
ءسوز سوڭىندا اقىق ءدان ايالاعان اقمولالىق ديقاندار 4446,7 مىڭ گەكتار القاپتاعى ءداندى جانە بۇرشاقتى داقىلداردى, 254 مىڭ گەكتار القاپتاعى مايلى داقىلداردى جيناپ الۋ ءۇشىن ايانباي ارپالىسىپ جاتقاندىعىن ايتقىمىز كەلەدى.
اقمولا وبلىسى
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
